សារព័ត៌មាន នគរវត្ត តែងតែនាំមុខគេជានិច្ច
សារព័ត៌មាន Reuters នៅថ្ងៃទី 22 ខែមករាបានដកស្រង់សម្តីប្រធានគោលនយោបាយការបរទេសរបស់សហភាពអឺរ៉ុប (EU) លោក Josep Borrell ដែលបាននិយាយថា ផែនការរបស់អ៊ីស្រាអែលក្នុងការបំផ្លាញចលនាអ៊ីស្លាមហាម៉ាស់នៅតំបន់ហ្គាហ្សាគឺមិនមានប្រសិទ្ធភាព ហើយសហភាពអឺរ៉ុបត្រូវតែបន្តកិច្ចខិតខំប្រឹងប្រែងដើម្បីបង្កើត “ដំណោះស្រាយរដ្ឋពីរ” ទោះបីជាអ៊ីស្រាអែលមាន ការប្រឆាំងក៏ដោយ។
កាលពីថ្ងៃទី 21 ខែមករា នាយករដ្ឋមន្ត្រីអ៊ីស្រាអែលបានអះអាងសារជាថ្មីនូវខ្សែបន្ទាត់រឹងរបស់គាត់ក្នុងការទប់ស្កាត់ការបង្កើតរដ្ឋប៉ាឡេស្ទីនព្រោះវានឹងបង្កជា “គ្រោះថ្នាក់ដែលអាចកើតមាន” ដល់អ៊ីស្រាអែល។
លោកបាននិយាយថា អ៊ីស្រាអែលនឹងបន្តអះអាងការគ្រប់គ្រងសន្តិសុខពេញលេញលើទឹកដីទាំងអស់នៅភាគខាងលិចនៃទន្លេ Jordan រួមទាំងតំបន់ Gaza និងតំបន់ West Bank ដែលកាន់កាប់ដោយអ៊ីស្រាអែលផងដែរ។ លោក Josep Borrell បាននិយាយនៅក្នុងកិច្ចប្រជុំប្រចាំខែរបស់រដ្ឋមន្ត្រីការបរទេសសហភាពអឺរ៉ុប ដែលចូលរួមដោយសមភាគីអារ៉ាប៊ីសាអូឌីត អេហ្ស៊ីប ហ្សកដានី និងអគ្គលេខាធិការសម្ព័ន្ធអារ៉ាប់។ កិច្ចពិភាក្សានឹងផ្តោតជាសំខាន់លើផលវិបាកនៃការវាយប្រហារថ្ងៃទី 7 ខែតុលា របស់ក្រុមហាម៉ាសលើអ៊ីស្រាអែល និងការវាយប្រហារសងសឹករបស់អ៊ីស្រាអែលនៅតំបន់ហ្គាហ្សា។
រដ្ឋមន្ត្រីការបរទេសអ៊ីស្រាអែល Israel Katz និងសមភាគីប៉ាឡេស្ទីន Riyad al-Maliki បានបង្ហាញខ្លួនដាច់ដោយឡែកពីគ្នានៅក្នុងកិច្ចប្រជុំនេះផងដែរ ដែលពិភាក្សាអំពីសង្គ្រាមនៅកាហ្សា។លោក Josep Borrell បាននិយាយថា លោកចង់ជំរុញកិច្ចខិតខំប្រឹងប្រែងអន្តរជាតិ ដើម្បីបង្កើតដំណើរការដែលនាំទៅដល់រដ្ឋប៉ាឡេស្ទីន ដែលរួមរស់ជាមួយអ៊ីស្រាអែល។ ការចរចាចុងក្រោយឆ្ពោះទៅរកគោលដៅនោះបានដួលរលំកាលពីមួយទសវត្សរ៍មុន ចំពេលមានការមិនអត់ឱន និងការមិនទុកចិត្តគ្នាទៅវិញទៅមក។
អ៊ីស្រាអែលនិយាយថា សង្រ្គាមអាចបន្ត “ជាច្រើនខែ” ហើយនឹងមិនបញ្ឈប់រហូតដល់ក្រុមហាម៉ាសត្រូវបានបំផ្លាញ ចំណាប់ខ្មាំងអ៊ីស្រាអែលទាំងអស់ត្រូវបានដោះលែង ហើយតំបន់ហ្គាហ្សាស្ទ្រីបលែងបង្កការគំរាមកំហែងសន្តិសុខទៀតហើយ៕ ដោយ៖ ធីរីណា
រូបថត៖ Reuters
