សារព័ត៌មាន នគរវត្ត តែងតែនាំមុខគេជានិច្ច
ខេត្តមណ្ឌលគិរី៖ សពបុរសម្នាក់ត្រូវគេប្រទះឃើញដោយការធ្វើអត្តឃាតចង.ក នៅក្នុងផ្ទះរបស់ខ្លួនបង្កឲ្យមានការភ្ញាក់ផ្អើលដល់បងប្អូនប្រជាពលរដ្ឋរាយការណ៍ជូនសមត្ថកិច្ច។
ហេតុការណ៍ចង.កនេះ បង្កឲ្យមានការភ្ញាក់ផ្អើលបានកើតឡើងនៅវេលាម៉ោង១១និង៣៥នាទីព្រឹកថ្ងៃទី ២៣ខែមករាឆ្នាំ២០២៤ដែលស្ថិតក្នុងភូមិដើមស្រល់ សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី។
ជនរងគ្រោះមានឈ្មោះ ជួន ភឿន ភេទប្រុស អាយុ៥៤ ឆ្នាំមានមុខរបរជាមន្ត្រីនគរបាល មានទីលំនៅបច្ចុប្បន្នភូមិ ដើមស្រល់ សង្កាត់មនោរម្យ ក្រុងសែនមនោរម្យខេត្តមណ្ឌលគិរី។
មុនពេលកើតហេតុ គេតែងឮជនរងគ្រោះនិយាយរឿង បញ្ហាពាក់ព័ន្ធនឹងទំនាស់ដីធ្លីដែលមិនទាន់ដោះស្រាយរួច ស្រាប់តែដល់ថ្ងៃកើតហេតុក៏ប្រទះឃើញជនរងគ្រោះចង.ក សម្លាប់ខ្លួននៅក្នុងផ្ទះរបស់គាត់តែម្ដង។
សមត្ថកិច្ចបានធ្វើកោសល្យវិច័យឃើញផ្នែកដងខ្លួន ផ្នែកក្បាលភ្នែកអវៈយវៈ រួចបញ្ជាក់ថា សពខាងលើ ពិតជាបានធ្វើអត្តឃាតចង.កសម្លាប់ខ្លួនពិតប្រាកដមែន ដោយសារបញ្ហារឿងទំនាស់ដីធ្លី នឹងមិនមានជាប់ពាក់ព័ន្ធនឹងអំពើឃាតកម្មឡើយ។ បច្ចុប្បន្នសពត្រូវបានប្រគល់ជូនសាច់ញាតិដើម្បីធ្វើបុណ្យតាមប្រពៃណី៕
ដោយ៖ សូរិយា
