សារព័ត៌មាន នគរវត្ត តែងតែនាំមុខគេជានិច្ច
អ្នកចាត់ការទូទៅរបស់ក្លិបអាល្លឺម៉ង់ Union Berlin លោក Nenad Bjelica ត្រូវបានគេដាក់បម្រាម៣ប្រកួតសម្រាប់ការវាយលើកីឡាករ Leroy Sane របស់ Bayern Munich ចំមុខ។
ហេតុការណ៍នេះបានកើតឡើងនៅនាទីទី៧៤នៃការចាញ់នៅក្របខ័ណ្ឌBundesliga កាលពីថ្ងៃពុធ នៅពេលដែលខ្សែប្រយុទ្ធ Sane ព្យាយាមយកបាល់ពី Bjelica នៅលើខ្សែបន្ទាត់ចំហៀង។
Bjelica ដែលត្រូវបានពិន័យជាប្រាក់២៥,០០០អឺរ៉ូបានលើកដៃរបស់គាត់ពីរដងទៅកាន់មុខរបស់ Sane ដោយរុញគាត់ចេញ ហើយត្រូវបានបណ្តេញចេញជាបន្តបន្ទាប់។ សមាគមបាល់ទាត់អាឡឺម៉ង់បាននិយាយថា គាត់បានបង្ហាញ “អាកប្បកិរិយាមិនលេងកីឡា” ។
គ្រូបង្វឹកសញ្ជាតិក្រូអាតវ័យ៥២ឆ្នាំរូបនេះបានដឹកនាំក្រុម Union Berlin តាំងពីខែវិច្ឆិកា ហើយនឹងខកខានការប្រកួត Bundesliga ទល់នឹង Darmstadt, RB Leipzig និង Mainz ។
ក្រុម Union Berlin ដែលបានបញ្ចប់ក្នុងចំណាត់ថ្នាក់លេខ៤កាលពីរដូវកាលមុន ឈរនៅចំណាត់ថ្នាក់លេខ១៥ និងមានត្រឹមតែ៣ពិន្ទុប៉ុណ្ណោះពីកន្លែងដែលត្រូវកាត់ចោលនៅរដូវកាលនេះ។
ចំណែកក្រុម Bayern Munich ឈរនៅលេខ២ មាន៤ពិន្ទុតាមពីក្រោយក្រុមកំពូលតារាង Bayer Leverkusen បន្ទាប់ពីឈ្នះការប្រកួតកាលពីថ្ងៃពុធ ១-០ ៕
ដោយ៖ ភារៈ(រូបភាព ៖ BBC Sport)
