សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ យប់ថ្ងៃទី២៦ ខែមករា ឆ្នាំ២០២៤ សមត្ថកិច្ចតាមបណ្តាអធិការដ្ឋាននគរបាលខណ្ឌនានា បានឃាត់យានយន្តល្មើសចំនួន១៦៨គ្រឿង ក្នុងនោះរថយន្ត៤៨គ្រឿង ម៉ូតូ១២០គ្រឿង ក្នុងចំណោមយានយន្តឆ្លងកាត់ចំនួន១៧៩១គ្រឿង ក្រោយពេលចុះអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល ក្រោមការអនុវត្តតាមបទបញ្ជាផ្ទាល់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការដឹកនាំត្រួតពិនិត្យអនុវត្តផ្ទាល់ពី លោក ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ។ លទ្ធផលល្មើសដូចខាងក្រោម ៖
១- ល្មើសជាតិស្រវឹង ចំនួន៦៤គ្រឿង
+កម្រិត ០.២៥ – ០.៣៩ mg/L ចំនួន២៨គ្រឿង
-អ្នកបើកបរម៉ូតូ ចំនួន០៧នាក់
-អ្នកបើកបររថយន្ត ចំនួន២០នាក់
+កម្រិត ០.៤០ mg/L ឡើង ចំនួន៣៦គ្រឿង
-អ្នកបើកបរម៉ូតូ ចំនួន១៥នាក់
-អ្នកបើកបររថយន្ត ចំនួន២១នាក់
២- បទល្មើសផ្សេងៗ ចំនួន ១០៤គ្រឿង
-អត់មួកសុវត្ថិភាព ចំនួន៩៧គ្រឿង
-គ្មានប័ណ្ណបើកបរ ចំនួន០៧គ្រឿង
៣- វិធានការអប់រំ
-អប់រំអ្នកបេីកបរមានជាតិអាល់កុលក្រោម 0,25mg/L ចំនួន១០នាក់
-អប់រំអ្នកបេីកបរមិនពាក់មួកសុវត្ថិភាព ចំនួន៤០នាក់ (មានមួក មិនព្រមពាក់)
៤- ការរក្សាទុកយានយន្ត និងផាកពិន័យ
– ផាកពិន័យ ចំនួន១១៨គ្រឿង
– នៅសល់ ចំនួន៥០គ្រឿង
– ទុកនៅអធិការខណ្ឌ ចំនួន៤៧ គ្រឿង (រថយន្ត ចំនួន១៦គ្រឿង -ម៉ូតូ ចំនួន ៣២គ្រឿង) និងបញ្ជូនទៅការិយាល័យ ចំនួន០២គ្រឿង ។
សូមគោរពច្បាប់ចរាចរណ៍ទាំងអស់គ្នា ដើម្បីការពារអាយុជីវិតខ្លួនឯង និងអ្នកដទៃ ! បើស្រវឹងកុំបើកបរ ! បើកបរមានកត្តាយោគយល់គ្នា , បើកបរពាក់មួកសុវត្ថិភាព , ថ្ងៃនេះ ថ្ងៃស្អែក គ្មានគ្រោះថ្នាក់ចរាចរណ៍ ៕
ដោយ ៖ សិលា
