សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់៖ លោក ផន រឹម អ្នកនាំពាក្យក្រសួងសាធារណការ និងដឹកជញ្ជូន នៅព្រឹកថ្ងៃទី១៧ ខែកុម្ភៈ ឆ្នាំ២០២៤នេះ បានឱ្យដឹងថា គម្រោងស្ថាបនាផ្លូវជាតិលេខ១០(កោះកុង,ពោធិ៍សាត់,បាត់ដំបង) សម្រេចបាន ៧៧,៨១%ហេីយ។
លោកអ្នកនាំពាក្យរូបនេះ បានគូសបញ្ជាក់ថា ជាមោទកភាពមិនអាចកាត់ថ្លៃបាន នៃគម្រោងស្ថាបនាផ្លូវជាតិ លេខ១០(កោះកុង,ពោធិ៍សាត់,បាត់ដំបង)ប្រវែងសរុប ១៩៨,៥១៨ គីឡូម៉ែត្រ សម្រេចបាន ៧៧,៨១% នៃគម្រោងទាំងមូល ខណៈដែលស្ពានខ្ពស់ប្រវែង ៥៣០ម៉ែត្រ ត្រង់គីឡូម៉ែត្រ ១២៨ បូក៩០៥ សម្រេចបាន ៣៩,០០%។
លោកអ្នកនាំពាក្យ បានថ្លែងបន្តថា គម្រោងស្ថាបនាផ្លូវជាតិលេខ១០ បានដំណើរការចាប់ផ្ដេីមចាក់កៅស៊ូពីខាងខេត្តកោះកុង ឆ្ពោះទៅកាន់រង្វង់មូលប្រមោយស្រុកវាលវែង ខេត្តពោធិ៍សាត់។
– រយៈពេលសាងសង់៖ ៤៨ខែ បូក១៨ខែ ស្មេីនិង៦៦ខែ(ចាប់ផ្តើមថ្ងៃទី១៨ខែធ្នូឆ្នាំ២០១៩) បញ្ចប់ខែមិថុនា ២០២៥
– ប្រភេទផ្លូវៈ Grade III, ក្រាលកៅស៊ូពីរស្រទាប់ (DBST),ប្រវែងផ្លូវ ១៩៨,៥១៨គម, ទទឹង ៩ម៉ែត្រ៕
ដោយ៖ តារា
