សារព័ត៌មាន នគរវត្ត តែងតែនាំមុខគេជានិច្ច
ប្រទេសអូស្ត្រាលី ៖ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា អញ្ជើញជួបជាមួយ លោក Arj Samarakoon នាយកប្រតិបត្តិ និងជាស្ថាបនិក ក្រុមហ៊ុន Plus94 Fund ក្នុងជំនួបសម្តែងការគួរសម និងពិភាក្សាការងារ ។
ក្រុមហ៊ុន Plus94 កំពុងសម្លឹងរកឱកាសក្នុងការពង្រីកទីផ្សាររបស់ខ្លួនលើធុរកិច្ច ដូចជា មជ្ឈមណ្ឌលធុរកិច្ច និងដំណើរការការិយាល័យក្រោយ (Back Office) ដូចជា Call Center និងការគ្រប់គ្រងទិន្នន័យអាជីវកម្ម ដែលសព្វថ្ងៃ ក្រុមហ៊ុន Plus94 មានបុគ្គលិកជាង ៥០០០នាក់ នៅក្នុងបណ្តាប្រទេសចំនួន ១៤ទូទាំងពិភពលោក ។ ក្នុងនោះដែរ ក្រុមហ៊ុន ក៏ធ្លាប់បានមកប្រទេសកម្ពុជា ដើម្បីសិក្សាពីសក្តានុពល ពិសេស លើជំនាញការងារ និងសមត្ថភាពប្រើប្រាស់ភាសារបស់កម្ពុជា ។ ទីក្រុងម៉ែលប៊ន ប្រទេសអូស្ត្រាលី រសៀលថ្ងៃសៅរ៍ ទី២ មីនា ២០២៤៕
ដោយ ៖ សិលា
