សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ រដ្ឋបាលខេត្តសៀមរាប នៅរសៀលថ្ងៃចន្ទទី០៨ ខែមេសា ឆ្នាំ២០២៤នេះ បានបង្ហាញជូនកម្មវិធី និងប្លង់នៃព្រឹត្តិការណ៍សៀមរាបសង្ក្រាន្ត។
សូមជម្រាបថា ក្នុងឱកាសចូលឆ្នាំៗនេះ រដ្ឋបាលខេត្ត សហភាពសហព័ន្ធយុវជនកម្ពុជាខេត្តសៀមរាប នឹងរួមសហការរៀបចំនូវ ព្រឹត្តិការសៀមរាប-សង្ក្រាន្ត នៅតាមដងស្ទឹងសៀមរាបពីថ្ងៃទី១៣ដល់ថ្ងៃទី១៦ខែមេសាឆ្នាំ២០២៤ ដើម្បីញ៉ាំងពិធីបុណ្យចូលឆ្នាំប្រពៃណីជាតិខ្មែរ ឱ្យកាន់តែអធិកអធម ដើម្បីបង្កើននូវភាពទាក់ទាញ ដល់ភ្ញៀវទេសចរណ៍ ក្នុងនិងក្រៅប្រទេស ចូលមកទស្សនាកម្សាន្តខេត្តសៀមរាបកាន់តែមានការកើនឡើងជាបន្តបន្ទាប់។
ព្រឹត្តិការណ៍នេះនឹងមានរួមបញ្ចូលនូវកម្មវិធីកម្សាន្តសប្បាយជាច្រើនដូចជា ការលេងល្បែងប្រជាប្រិយខ្មែរ ការជិះទូកលេងតាមដងស្ទឹង ការវាយកូនហ្គោលសៀមរាបសង្ក្រាន្ត ការតាំងពិព័រណ៍ម្ហូបអាហារ ការទស្សនាផ្សារបណ្តែតទឹក និងការប្រគំតន្ត្រីនាពេលរាត្រី ជាដើម៕
តោះសូមទស្សនាកម្មវិធី និងប្លង់នៃព្រឹត្តិការណ៍សៀមរាបសង្ក្រាន្ត ដូចខាងក្រោមនេះ៖
ដោយ៖ តារា
