សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ ដីចម្ការចំនួន៨០ហិកតាត្រូវបានអគ្គិភ័យឆាបឆេះយ៉ាងសន្ធោសន្ធៅ នៅវេលាម៉ោង ១៦និង៤៥នាទី ថ្ងៃទី០៨ ខែមេសា ឆ្នាំ២០២៤ នៅចំណុចស្រែព្រីង ស្ថិតក្នុងភូមិធ្ង័រ ឃុំចែងមានជ័យ ស្រុកបាណន់ ខេត្តបាត់ដំបង ។
ដីចម្ការស្វាយដែលត្រូវអគ្គិភ័យឆាបឆេះខាងលើ មានទំហំផ្ទៃដីចំនួន៨០ហិកតា ហើយត្រូវបានឆេះអស់ប្រហែល៤០% ដែលមានម្ចាស់ឈ្មោះ ឡុង សយសុធី ភេទប្រុស រស់នៅក្រុងបាត់ដំបង ខេត្តបាត់ដំបង។
នៅក្នុងហេតុការណ៍អគ្គិភ័យខាងលើនេះដែរ ភ្លាមៗសមត្ថកិច្ចបានចេញរថយន្តពន្លត់អគ្គិភ័យចំនួន២គ្រឿង ដើម្បីចុះអន្តរាគមន៍ពន្លត់ តែពេលទៅដល់បានដើរមើលស្ថានភាពផ្លូវមានព្រៃស្តុក ផ្លូវចង្អៀត មិនអាចចូលបានប៉ុន្តែសមត្ថកិច្ចបានរកត្រាក់ទ័រមកឈូសទប់ស្កាត់កុំឱ្យភ្លើងឆេះរាលបន្តទៅទៀតបាន១០០%បញ្ចប់នៅវេលាម៉ោង២០និង៣០នាទី៕
ដោយ៖ ចន្ទ លីហ្សា
