សារព័ត៌មាន នគរវត្ត តែងតែនាំមុខគេជានិច្ច
កីឡាករវ័យក្មេង Arda Guler បានស៊ុតបញ្ចូលទី១គ្រាប់ក្នុងការចាប់ផ្តើមលេងនៅ La Liga ជាលើកដំបូងរបស់គាត់ ខណៈដែល Real Madrid ដណ្តើមបានជើងឯកជាមួយនឹងជ័យជម្នះនៅទឹកដីក្រុម Real Sociedad ក្នុងលទ្ធផល១ទល់០។
ខ្សែបម្រើសញ្ជាតិទួរគីវ័យ១៩ឆ្នាំដែលទើបតែបង្ហាញខ្លួនក្នុងឈុតធំបានស៊ុតបញ្ចូលទីជាមួយនឹងការប៉ុនប៉ងលើកដំបូងរបស់ Real Madrid លើគ្រាប់បាល់នៅពាក់កណ្តាលតង់ទី១ដោយការបញ្ជូនបាល់របស់ Cavajal នៅនាទីទី២៩។
លោក Carlo Ancelotti បានធ្វើការផ្លាស់ប្តូរជាបន្តបន្ទាប់បន្ទាប់ពីការឈ្នះកាលពីចុងសប្តាហ៍មុនក្នុងការប្រកួត El Clasico ហើយវាគឺជាក្រុម Real Sociedad ដែលបានចាប់ផ្តើមយ៉ាងខ្លាំង ប៉ុន្តែក្រុមម្ចាស់ផ្ទះនៅតែមិនអាចស្វែងរកជ័យជម្នះបានទេ ខណៈក្រុមម្ចាស់ផ្ទះមានការខកចិត្តក្នុងការប្រកួតនេះ បើទោះបីការប្រកួតនេះមើលទៅហាក់ការគ្រប់គ្រងបាល់ច្រើនជាង Real ក៏ដោយ។
កីឡាករ Takefusa Kubo របស់ក្រុម Real Sociedad ក៏មានឱកាសល្អមួយផងដែរ ពីការស៊ុតចំគោលដៅ ប៉ុន្តែការស៊ុតរបស់កីឡាកររូបនេះត្រូវបានគេច្រានចោលសម្រាប់បាល់ offside។
ក្រុម Real Madrid បានធ្វើយ៉ាងល្អដោយកំពុងនាំមុខ១៤ពិន្ទុដាច់នៅលើកំពូលតារាង La Liga មុនពេលក្រុមលេខ២ Barcelona ទទួលភ្ញៀវ Valencia នៅថ្ងៃចន្ទ។ នៅសល់៥ប្រកួតទៀត ក្រុម Real Madrid ត្រូវការតែ៤ពិន្ទុបន្ថែមទៀតដើម្បីក្លាយជាជើងឯកលីកកំពុលអេស្ប៉ាញនៅរដូវកាលនេះ ៕
ដោយ៖ ភារៈ(រូបភាព ៖ BBC Sport)
