សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បានបើករថយន្ត CAMRY ពណ៌ខ្មៅមួយគ្រឿងយ៉ាងលឿន រួចរេចង្កូតទៅបុករបាំងថ្មចែកទ្រូងផ្លូវពេញទំហឹងបណ្ដាលឱ្យក្រឡាប់ផ្ងារជើងទ្រមេឃបង្កការភ្ញាក់ផ្អេីលដល់អ្នកដំណេីរកាលពីវេលាម៉ោង១និង៣៥នាទីរសៀល ឈានចូលថ្ងៃទី២៧ ខែមេសា ឆ្នាំ២០២៤ ស្ថិតនៅផ្លូវព្រះមុនីរ៉េត កែងផ្លូវលេខ២១៥ សង្កាត់ផ្សារដើមគ ខណ្ឌទួលគោក រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនកេីតហេតុគេឃេីញរថយន្តបង្កម៉ាកCAMRY ពណ៌ខ្មៅ មួយគ្រឿង ធ្វេីដំណេីរចេញពីផ្លូវព្រះមុនីរ៉េត ក្នុងទិសដៅពីជេីងទៅត្បូងយ៉ាងលឿន រួចបានឆ្លងភ្លើងស្តុបអាងទឹក ស្រាប់តែរេចង្កូតទៅបុករបាំងថ្មពុះចែកទ្រូងផ្លូវពេញទំហឹងបណ្ដាលឱ្យក្រឡាប់ផ្ងារជេីងទ្រមេឃ រងការខូចខាតយ៉ាងដំណំ រីឯរបាំងថ្មខ្ទាតចេញអស់១កង់ តែមិនបង្កគ្រោះថ្នាក់ដល់មនុស្សណាម្នាក់ឡេីយ។
ក្រោយកេីតហេតុភ្លាមៗ គេឃេីញតៃកុងរថយន្តបង្កជាមនុស្សប្រុសបានលូនចេញពីរថយន្តនិងប្រមូលឯកសារជាច្រេីន ព្រមទាំងដោះស្លាកលេខរថយន្តមុខ-ក្រោយ យកចេញទៅបាត់ បន្សល់តែរថយន្តបង្កទុកនៅកន្លែងកេីតហេតុ ។ បន្ទាប់មក មន្ត្រីនគរបាលប៉ុស្តិ៍រដ្ឋបាលសង្កាត់ផ្សារដេីមគបានចុះមកដល់កន្លែងកេីតហេតុសហការជាមួយមន្ត្រីជំនាញចរាចរណ៍នៃស្នងការដ្ឋាននគរបាលរាជធានីភ្នំពេញ ធ្វេីការវាស់វែងយករថយន្តបង្កទៅរក្សាទុករង់ចាំការដោះស្រាយនាពេលក្រោយ ៕
ដោយ ៖ ភារ៉ា ដង្កោ
