សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ កម្លាំងប៉ុស្តិ៍នគរបាលរដ្ឋបាលក្រាំងពង្រ នៃអធិការដ្ឋាននគរបាលខណ្ឌដង្កោ នៅថ្ងៃទី០៥ ខែឧសភា ឆ្នាំ២០២៤ បានស្រាវជ្រាវឃាត់ខ្លួនជនសង្ស័យចំនួន០២នាក់ នៅចំណុចបន្ទប់ជួល ផ្លូវបេតុង ភូមិដំណាក់ធំ៤ សង្កាត់ស្ទឹងមានជ័យ២ ខណ្ឌមានជ័យ ពាក់ព័ន្ធករណីលួចផ្លាកលេខរថយន្ត ប្រព្រឹត្តល្មើសកាលពីថ្ងៃទី០១ ខែឧសភា ឆ្នាំ២០២៤។
ជនសង្ស័យចំនួន០២នាក់ដែលឃាត់ខ្លួនបានរួមមាន ៖
ទី១.ឈ្មោះ ផាត ផាន់ណារ៉ូ ភេទប្រុស និង ទី២.ឈ្មោះ ហេង អានសុទ្ធារី ភេទប្រុស អនៅចំណុចបន្ទប់ជួល ផ្លូវបេតុង ភូមិដំណាក់ធំ៤ សង្កាត់ស្ទឹងមានជ័យទី០២ ខណ្ឌមានជ័យ។
វត្ថុតាងចាប់យក៖ ម៉ូតូម៉ាក SUZUKI STEP ពណ៌ផ្កាឈូក ពាក់ផ្លាកលេខ ភ្នំពេញ១FG-៦៩៧០ ទួណឺវីស ដងជ័រពណ៌ខ្មៅលាយលឿង។ សម្ភារបាត់បង់៖ ផ្លាកលេខរថយន្តលេខ ភ្នំពេញ ២BA-៧៨៣៩ ចំនួន០២(មុខ-ក្រោយ) ។
បច្ចុប្បន្ននេះ ជនសង្ស័យខាងលេី និងវត្ថុតាង សមត្ថកិច្ចកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕
ដោយ ៖ ភារ៉ា ដង្កោ
