សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល ៖ ក្មេងទំនេីងចំនួន០៦នាក់ ដែលបានកាន់កាប់អាវុធដោយគ្មានការអនុញ្ញាត(ដែកទីបនិងដុំឥដ្ឋ)ត្រូវបានកម្លាំងជំនាញនៃអធិការដ្ឋាននគរបាលស្រុកលេីកដែកធ្វេីការឃាត់ខ្លួននាថ្ងៃទី២៤ ខែឧសភា ឆ្នាំ២០២៤ នៅលើផ្លូវជាតិលេខ១៤ ស្ថិតក្នុងភូមិស្ពានដែក ឃុំព្រែកទន្លាប់ ស្រុកលើកដែក ខេត្តកណ្តាល ។
ក្នុងប្រតិបត្តិការនេះ ដោយអនុវត្តតាមបទបញ្ជារបស់លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល កម្លាំងជំនាញនៃអធិការដ្ឋាននគរបាលស្រុកលើកដែក បានបង្ក្រាបករណីកាន់កាប់អាវុធដោយគ្មានការអនុញ្ញាត (ដែកទីប+ដុំឥដ្ឋ) ឃាត់ខ្លួនក្មេងទំនេីងចំនួន០៦នាក់មានដូចខាងក្រោម៖
១.ឈ្មោះ ឃិន គឹមហុង ភេទប្រុស អាយុ១៧ឆ្នាំ ជនជាតិខ្មែរ មានទីលំនៅភូមិព្រែកតូច ឃុំព្រែកទន្លាប់ ស្រុកលើកដែក ខេត្តកណ្តាល គ្មានសារធាតុញៀននៅក្នុងទឹកនោម អវិជ្ជមាន (-), ទី២.ឈ្មោះ ចិន្តា វិច្ឆិកា ភេទប្រុស អាយុ១៧ឆ្នាំ ជនជាតិខ្មែរ មានទីលំនៅភូមិព្រែកតូច ឃុំព្រែកទន្លាប់ ស្រុកលើកដែក ខេត្តកណ្តាល គ្មានសារធាតុញៀននៅក្នុងទឹកនោម អវិជ្ជមាន (-), ទី៣.ឈ្មោះ វណ្ណា ភូវីត ភេទប្រុស អាយុ១៥ឆ្នាំ ជនជាតិខ្មែរ មានទីលំនៅភូមិព្រែកតូច ឃុំព្រែកទន្លាប់ ស្រុកលើកដែក ខេត្តកណ្តាល គ្មានសារធាតុញៀននៅក្នុងទឹកនោម អវិជ្ជមាន (-), ទី៤.ឈ្មោះ ហឿន លីម ភេទប្រុស អាយុ១៧ឆ្នាំ ជនជាតិខ្មែរ មានទីលំនៅភូមិព្រែកបាក់ ឃុំព្រែកទន្លាប់ ស្រុកលើកដែក ខេត្តកណ្តាល គ្មានសារធាតុញៀននៅក្នុងទឹកនោម អវិជ្ជមាន (-), ទី៥.ឈ្មោះ ឃឿន ស៊ីធៀន ភេទប្រុស អាយុ១៧ឆ្នាំ ជនជាតិខ្មែរ មានទីលំនៅភូមិព្រែកតូច ឃុំព្រែកទន្លាប់ ស្រុកលើកដែក ខេត្តកណ្តាល គ្មានសារធាតុញៀននៅក្នុងទឹកនោម អវិជ្ជមាន (-) និងទី៦.ឈ្មោះ យ៉ុន ស៊ីយ៉ា ភេទប្រុស អាយុ១៧ឆ្នាំ ជនជាតិខ្មែរ មានទីលំនៅភូមិព្រែកតូច ឃុំព្រែកទន្លាប់ ស្រុកលើកដែក ខេត្តកណ្តាល គ្មានសារធាតុញៀននៅក្នុងទឹកនោម អវិជ្ជមាន (-)។
ដោយឡែកវត្ថុតាងចាប់យកមាន៖
១.ដែកទីប០១ដើម ពណ៌ប្រផេះ ប្រវែង ០១ម៉ែត្រ ។
២.ដែកទីប ពណ៌ស ប្រវែង០,៩០ម៉ែត្រ ០១ដើម ។
៣.ដុំឥដ្ឋតាន់១ដុំ ។
៤.ម៉ូតូ០៣គ្រឿង ម៉ាក Honda Dream C125 ឆ្នាំ២០១៨ ពណ៌ខ្មៅ ពាក់ផ្លាកលេខ កណ្តាល 1AA-1343, ម៉ាក Honda Dream C125 ឆ្នាំ២០១៩ ពណ៌ខ្មៅ ពាក់ផ្លាកលេខ កណ្តាល 1AD-3516, ម៉ាក Honda Dream C125 ឆ្នាំ២០២៣ ពណ៌ខ្មៅ ពាក់ផ្លាកលេខ កណ្តាល 1AR-3559។
គួរបញ្ជាក់ថា នៅមុនពេលកើតហេតុ កម្លាំងអន្តរាគមន៍នៃអធិការដ្ឋានបានចេញល្បាតរថយន្ត០៣គ្រឿងតាមភូមិសាស្រ្តងាយរងគ្រោះ។ ពេលចុះដល់ចំណុចកើតហេតុខាងលើ កម្លាំងជំនាញបានប្រទះឃើញម៉ូតូ០៣គ្រឿង មនុស្ស០៦នាក់ ហើយមានម៉ូតូ០១គ្រឿងដួល បន្ទាប់មកក៏ឃើញក្មេងទំនើងទាំងនោះដកដែកទីប និងដុំឥដ្ឋចេញពីម៉ូតូ ។ ក្រោយពីឃើញភ្លាម កម្លាំងនគរបាលបានឈប់ និងចុះទៅឃាត់បានមនុស្ស០៦នាក់ ម៉ូតូ០៣គ្រឿង និងវត្ថុតាងបញ្ជូនមកអធិការដ្ឋាននគរបាលស្រុកលើកដែក ដើម្បីចាត់ការតាមនីតិវិធី៕
ដោយ ៖ ភារ៉ា ដង្កោ
