សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសជនជាតិបរទេសម្នាក់ដែលស្រវឹងស្រាបានបេីករថយន្តម៉ាក Ford territory រេចង្កូតឡើងចិញ្ចើមផ្លូវទៅបុកបង្គោលថ្មបាក់អស់ជាច្រើនដើម បណ្តាលឱ្យរងការខូចខាតយ៉ាងដំណំ។
ហេតុការណ៍នេះបានកេីតឡើងនៅវេលាម៉ោង៤ទៀបភ្លឺឈានចូលថ្ងៃទី១១ ខែមិថុនា ឆ្នាំ២០២៤ នៅទល់មុខវត្តលង្កា ផ្លូវព្រះសីហនុ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មានពីកន្លែងកើតហេតុ បានឱ្យដឹងថា មុនពេលកេីតហេតុគេបានឃើញបុរសជាជនជាតិបរទេសម្នាក់បានបេីករថយន្តម៉ាក Ford territoryពណ៌ស ពាក់ស្លាកលេខ ភ្នំពេញ 2BS- 1048 ធ្វើដំណើរតាមបណ្ដោយផ្លូវព្រះសីហនុក្នុងទិសដៅពីលិចទៅកេីតដោយល្បឿនលឿន លុះមកដល់ចំណុចកេីតហេតុដោយសារតែអ្នកបេីកបរស្រវឹងស្រាផងនោះទេីបធ្វើអោយរថយន្តរេចង្កូតទៅខាងស្ដាំដៃឡើងលើចិញ្ចើមផ្លូវ ហេីយរថយន្ដបន្តទៅបុកបង្គោលថ្មមុខរបងវត្ត បណ្ដាលឲ្យខូចខាតអស់ជាច្រើនបង្គោល និងខូចឥដ្ឋការ៉ូឡាអស់មួយចំនួន ហេីយធ្វេីអោយរងការខូចខាតរថយន្តផ្នែកខាងមុខនិងផ្ទុះពោងសុវត្ថិភាពទៅមុខលែងរួច។
ករណីនេះដែរមិនបង្កអោយមានគ្រោះថ្នាក់ដល់មនុស្សនោះទេ ចំណែកអ្នកបេីកបរបានចុះពីលើរថយន្តឡើងជិះម៉ូតូកង់បីគេចចេញទៅបាត់ ។
ក្រោយពេលកេីតហេតុរថយន្តត្រូវសមត្ថកិច្ចជំនាញស្ទូចយកទៅរក្សាទុកនៅការិយាល័យនគរបាលចរាចរណ៍ផ្លូវគោកដេីម្បីរង់ចាំដោះស្រាយ ៕
ដោយ៖សុខាសែនជ័យ
