សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន៖ យោងតាមរបាយការណ៍របស់កម្លាំងនគរបាលជំនាញនៃអធិការក្រុងបានឱ្យដឹងថា នៅថ្ងៃទី១០ ខែមិថុនា ឆ្នាំ២០២៤ វេលាម៉ោង ១៧និង៣០នាទី កម្លាំងផែនប្រឆាំងគ្រឿងញៀន នៃអធិការដ្ឋាននគរបាលក្រុងប៉ៃលិន ចុះស្រាវជ្រាវស៊េីបអង្កេត និងបង្ក្រាបជាក់ស្ដែង ករណីជួញដូរ,រក្សាទុក និងប្រេីប្រាស់ដោយខុសច្បាប់នូវសារធាតុញៀន ចំនួន០១ករណី ឃាត់ខ្លួនជនសង្ស័យចំនួន០១នាក់ ឈ្មោះWatcharatep Ketsrt ភេទប្រុស អាយុ២៥ឆ្នាំ មុខរបរមិនពិតប្រាកដ ឆ្នាំកំណើត២៧-១២-១៩៩៩ សញ្ជាតិថៃ(គ្មានលិខិតឆ្លងដែន)អត្តសញ្ញាណ1270400079425 នៅសុពលភាព26-12-2025 ស្រុកកំណេីតភូមិណាមខាំម ឃុំខងហាត ស្រុកស្រះកែវ ខេត្តស្រះកែវ ប្រទេសថៃ បច្ចុប្បន្នរស់នៅភូមិអូរម្លូន ឃុំផ្លូវមាស ស្រុករតនមណ្ឌល ខេត្តបាត់ដំបង។
ស្ត្រីធ្លាប់ជាសង្សារជាមួយជនជាតិថៃខាងលើបានប្រាប់សមត្ថកិច្ចអំពីរឿងហេតុ៖នៅវេលាម៉ោង១៥និង០០នាទី ថ្ងៃទី/ខែ/ឆ្នាំដដែល កម្លាំងផែនប្រឆាំងគ្រឿងញៀន នៃអធិការដ្ឋាននគរបាលក្រុង បានទទួលការរាយការណ៍ពីប្រជាពលរដ្ឋឈ្មោះ វ៉ាន់ លក្ខិណា ភេទស្រី អាយុ២៥ឆ្នាំ ដែលធ្លាប់ជាសង្សារជាមួយនឹងបុរសជនជាតិថៃ ដោយនៅថ្ងៃកេីតហេតុបុរសខាងលេី បានធ្វេីដំណេីរចេញពីស្រុកសំឡូត ខេត្តបាត់ដំបង បានឆ្លងកាត់ខេត្តប៉ៃលិន ហេីយបានចូលទៅបន្ទប់ជួលឈ្មោះ វ៉ាន់ លក្ខិណា ដែលធ្លាប់មានទំនាក់ទំនងស្នេហាជាមួយគ្នា ហេីយបានបែកបាក់គ្នាអស់មួយរយៈ ដោយមានសកម្មភាពគួរឱ្យសង្ស័យនារីខាងលេី បានរាយការណ៍ជូនសមត្ថកិច្ច ពេលនោះកម្លាំងផែនជំនាញបានចុះទៅដល់ទីតាំងខាងលេី និងបានធ្វេីវិធានការរដ្ឋបាលត្រួតតិនិត្យឆែកឆេររកឃេីញថ្នាំញៀន ប្រភេទម៉ាទឹកកកចំនួន០១កញ្ចប់នៅក្នុងហោបៅខោរបស់ជនសង្ស័យ ខាងលេី។
សមត្ថកិច្ចជំនាញបានបន្តថា÷ បើតាមចម្លេីយសារភាពរបស់ជនសង្ស័យ ថ្នាំញៀន ដែលសមត្ថកិច្ចបានឆែកឆេររកឃេីញ គឺពិតជារបស់ខ្លួនពិតប្រាកដមែន ហេីយថ្នាំញៀននេះ គឺខ្លួនបានយកមកពីស្រុកសំឡូត ខេត្តបាត់ដំបង។
វត្ថុតាងដកហូតសរុបរួមមាន៖
១-ថ្នាំញៀនប្រភេទម៉ាទឹកកក ចំនួន០១កញ្ចប់។
២-ទូរស័ព្ទដៃម៉ាកoppo ពណ៌ខៀវ ចំនួន០១គ្រឿង។
-ករណីខាងលើនេះ លោកអធិការបានស្នើសុំយោបល់លោក ស្នងការ ឃាត់ខ្លួនជនសង្ស័យខាងលើ រួមទាំងវត្ថុតាង នៅអធិការដ្ឋាននគរបាលក្រុងប៉ៃលិន ដើម្បីអនុវត្តតាមនីតិវិធីច្បាប់ ៕
ដោយ៖ ស សារ៉េត
