សារព័ត៌មាន នគរវត្ត តែងតែនាំមុខគេជានិច្ច
ការប្រកួត Copa America 2024 បានចាប់ផ្តើមកាលពីថ្ងៃព្រហស្បតិ៍ ជាមួយនឹងអ្វីដែលប្លែកពីគេ ប៉ុន្តែតារាល្បីៗដូចជា Lionel Messi និង Vinicius Jr កំពុងសម្លឹងរកការបន្ថែមទៅលើការលើកពានរបស់ពួកគេ។
ការប្រកួតជើងឯកទ្វីបអាមេរិកខាងត្បូងនឹងត្រូវលេងនៅទឹកដីសហរដ្ឋអាមេរិកដែលជាក្រុមម្ចាស់ផ្ទះ ហើយក្រុមចំនួន៦ក្នុងចំណោម១៦ក្រុមគឺមកពី Confederation of North, Central America និង Caribbean Association Football (Concacaf)។ នេះក៏ដូចគ្នាសម្រាប់ការប្រកួត Copa America Centenario កាលពីឆ្នាំ២០១៦ដែរ ប៉ុន្តែនេះគឺជាការប្រកួតធម្មតាដំបូងនៃការប្រកួតដែលត្រូវលេងនៅខាងក្រៅទ្វីប។
ទីក្រុងម្ចាស់ផ្ទះជាច្រើនស្ថិតនៅក្នុងរដ្ឋភាគខាងត្បូងដូចជារដ្ឋកាលីហ្វ័រញ៉ា តិចសាស់ និងផ្លរីដារួមទាំងនៅរដ្ឋ New Jersey ផងដែរដើម្បីត្រៀមកីឡដ្ឋានប្រកួត។ ការប្រកួតនេះត្រូវបានគេមើលឃើញថា ជាការរៀបចំសម្រាប់ការប្រកួតបាល់ទាត់ពិភពលោកឆ្នាំ២០២៦ ដែលនឹងធ្វើជាម្ចាស់ផ្ទះដោយសហរដ្ឋអាមេរិក រួមជាមួយប្រទេសកាណាដា និងម៉ិកស៊ិក។
សហរដ្ឋអាមេរិក ម៉ិកស៊ិក ហ្សាម៉ាអ៊ីក កាណាដា កូស្តារីកា និងប៉ាណាម៉ា នឹងក្លាយជាប្រទេសទាំង៦នៅអាមេរិកខាងជើង និងអាមេរិកកណ្តាល ដែលចូលរួមជាមួយប្រទេសអាមេរិកខាងត្បូងទាំង១០ដើម្បីប្រកួតប្រជែង។
គ្រូបង្វឹកអាមេរិកលោក Gregg Berhalter ស្ថិតក្រោមសម្ពាធដ៏ធំ ដោយអ្នកគាំទ្រមួយចំនួនបានអំពាវនាវឱ្យគាត់ចាកចេញក្រោយការចាញ់ក្នុងការប្រកួតកម្ដៅសាច់ដុំ ៥-១ ក្រោមស្នាដៃក្រុមកូឡុំប៊ី។
គាត់បាននិយាយនៅពេលសួរអំពីអនាគតរបស់គាត់ថា “ខ្ញុំគិតថាខ្ញុំមិនមែនជាមនុស្សត្រឹមត្រូវក្នុងការឆ្លើយសំណួរនោះទេ ប៉ុន្តែអ្វីដែលខ្ញុំចង់និយាយគឺថា យើងមើលឃើញថានេះជាប្លុកសំណង់។ យើងឃើញថាក្រុមនេះជាក្រុមដែលមានទេពកោសល្យដែលអាចធ្វើរឿងល្អ ហើយយើងចង់ប្រើ Copa America ដើម្បីបង្ហាញថាយើងផ្តោតលើការទៅឆ្ងាយ តាមដែលយើងអាចធ្វើបាន”។
ពានរង្វាន់ Copa America ចាប់តាំងពីឆ្នាំ១៩៩៣ មានប្រទេសចំនួន១២ដែលក្នុងនោះមានភ្ញៀវចំនួន២ ដោយប្រទេសជប៉ុន និងកាតាបានលេងកាលពីមុន ប៉ុន្តែការប្រកួតចុងក្រោយនៅឆ្នាំ២០២១ទើបតែមានប្រទេសចំនួន១០នៅអាមេរិកខាងត្បូងប៉ុណ្ណោះ។
នេះអាចជាការប្រកួតអន្តរជាតិចុងក្រោយសម្រាប់វីរបុរសបាល់ទាត់មួយរូបគឺខ្សែប្រយុទ្ធអាហ្សង់ទីន Lionel Messi វ័យ៣៦ឆ្នាំ។ កីឡាករមកពីក្លិប Inter Miami នឹងមានអាយុ៣៩ឆ្នាំក្នុងអំឡុងពេល World Cup រយៈពេល២ឆ្នាំដែលត្រូវលេង។ Messi មានបំណងចង់បានពានរង្វាន់ទី៣ជាប់ៗគ្នាសម្រាប់ប្រទេសរបស់គាត់ បន្ទាប់ពីការប្រកួត Copa America ឆ្នាំ២០២១ និង World Cup ឆ្នាំ២០២២ ដោយមិនដែលឈ្នះការប្រកួតអន្តរជាតិជាន់ខ្ពស់រហូតដល់អាយុ៣៤ឆ្នាំ។
ការប្រកួតវគ្គផ្តាច់ព្រ័ត្រនឹងធ្វើឡើងនៅកីឡដ្ឋាន Hard Rock ក្នុងទីក្រុង Miami ដែលមានចម្ងាយជាង២០ម៉ាយពីទីក្រុង Fort Lauderdale ជាកន្លែងដែលក្លិបរបស់ Messi លេងនាពេលបច្ចុប្បន្ន។
អាហ្សង់ទីនអាចនឹងក្លាយជាក្រុមដែលជោគជ័យបំផុតមិនធ្លាប់មាននៅ Copa America ប្រសិនបើពួកគេឈ្នះពាននេះម្ដងទៀត។ បច្ចុប្បន្នពួកគេកំពុងរួមគ្នាកំពូលជាមួយអ៊ុយរ៉ាហ្គាយក្នុងការឈ្នះពានចំនួន១៥ដង ខណៈដែលប្រេស៊ីលជាក្រុមទី២ក្នុងការឈ្នះពាន Copa America តាមពីក្រោយអាហ្សង់ទីន។ ប្រេស៊ីលជាម្ចាស់ជើងឯកឆ្នាំ២០១៩ កំពុងដេញថ្លៃដើម្បីលើកពានជាលើកទី១០ និងលើកទី៤នៅសតវត្សរ៍នេះ។ គ្មាននរណាម្នាក់រារាំងអាហ្សង់ទីន និងអ៊ុយរ៉ាហ្គាយបានឈ្នះច្រើនជាងពីរនោះទេ។
ក្នុងចំណោមក្តីសង្ឃឹមដ៏ល្អបំផុតរបស់ពួកគេក្នុងការឈ្នះការប្រកួតគឺខ្សែប្រយុទ្ធ Vinicius Jr, Rodrygo និង Endrick ដែលនឹងក្លាយជាមិត្តរួមក្រុម Real Madrid នៅរដូវកាលក្រោយ។ Vinicius Jr គឺជាអ្នកពេញចិត្តក្នុងការឈ្នះ Ballon d’Or បន្ទាប់ពីជួយ Real Madrid ឈ្នះ La Liga និង Champions League ជាមួយមិត្តរួមក្រុម Jude Bellingham នៃប្រទេសអង់គ្លេសក៏គិតថានឹងប្រកួតប្រជែងផងដែរ។
ការប្រកួតបានចាប់ផ្តើមបើកឆាកនៃពានរង្វាន់ Copa America ដោយអាហ្សង់ទីនបានយកឈ្នះកាណាដា ក្នុងលទ្ធផល ២ទល់០ នៅព្រឹកថ្ងៃទី២១ ខែមិថុនា នៅទីក្រុងអាត្លង់តា ហើយបញ្ចប់ដោយវគ្គផ្តាច់ព្រ័ត្រនៅទីក្រុងម៉ៃអាមី នៅថ្ងៃទី១៤ ខែកក្កដា។ ខាងក្រោមនេះគឺជាក្រុមដែលត្រូវប្រជែងពាន Copa America នៅឆ្នាំនេះ៖
ពូល A៖ អាហ្សង់ទីន ប៉េរូ ឈីលី កាណាដា
ពូល B៖ ម៉ិកស៊ិក អេក្វាឌ័រ វ៉េណេស៊ុយអេឡា ហ្សាម៉ាអ៊ីក
ពូល C៖ សហរដ្ឋអាមេរិក អ៊ុយរ៉ាហ្គាយ ប៉ាណាម៉ា បូលីវី
ពូល D៖ ប្រេស៊ីល កូឡុំប៊ី ប៉ារ៉ាហ្គាយ កូស្តារីកា ៕
ដោយ៖ ភារៈ
