សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ចៅក្រមស៉ើបសួរ នៃសាលាដំបូងរាជធានីភ្នំពេញ លោក ហុក ពៅ បានសម្រេចឃុំខ្លួនឈ្មោះ សាក់ វណ្ណារិទ្ធិ កាលពីថ្ងៃទី២៦ ខែមិថុនា ឆ្នាំ២០២៤ម្សិលមិញនេះ ដែលពាក់ព័ន្ធករណីក្លែងបន្លំពាណិជ្ជសញ្ញា ពាណិជ្ជនាមរបស់សហគ្រាស របស់ក្រុមហ៊ុន PHVCT A2888 Co .LTD ដែលមានអាជ្ញាប័ណ្ណទទួលស្គាល់ដោយ គ.ល.កស្របច្បាប់ ហើយអំពើរបស់ឈ្មោះខាងលើនេះ គឺផ្ទុយពីបទបញ្ជាសម្តេចមហាបវរធិបតី ប៉ះពាល់ សន្តិសុខ សណ្តាប់ធ្នាប់ និងសាធារណៈ ។
ក្នុងដីកាបង្គាប់ឲ្យឃុំខ្លួនរបស់ចៅក្រមស៉ើបសួរ បានបញ្ជាក់ថា ជនត្រូវចោទដែលត្រូវសម្រេចឃុំខ្លួនឈ្មោះ សាក់ វណ្ណារិទ្ធិ អាយុ៣៧ឆ្នាំ ស្នាក់នៅសង្កាត់បឹងសាឡាង ខណ្ឌទួលគោក រាជធានីភ្នំពេញ។
សាលាដំបូងរាជធានីភ្នំពេញ បានអះអាងថា ជនត្រូវចោទ សាក់ វណ្ណារិទ្ធិ បានប្រព្រឹត្តសកម្មភាពក្លែងបន្លំពាណិជ្ជសញ្ញា ពាណិជ្ជនាមរបស់សហគ្រាសផ្សេងមួយទៀតនេះ កាលពីអំឡុងខែមេសា ឆ្នាំ២០២៤ ដែលជាបទល្មើសព្រហ្មទណ្ឌ ចែងផ្តន្ទាទោសតាមបញ្ញត្តិមាត្រា៦៤ នៃច្បាប់ស្តីពីម៉ាកពាណិជ្ជកម្ម និងអំពើនៃការប្រកួតប្រជែងមិនស្មោះត្រង់៕
ដោយ៖ តារា
