សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជននិងយុវតីគ្រប់រូប សូមឆ្លើយថាទេចំពោះគ្រឿងញៀន ព្រោះគ្រឿងញៀនបំផ្លាញអនាគតអ្នក និងក្រុមគ្រួសារអ្នក ! ខណៈជនសង្ស័យចំនួន ៤៤នាក់ (ស្រី ៣នាក់) ត្រូវបានសមត្ថកិច្ចជំនាញនៅទូទាំងប្រទេសកម្ពុជា បានចុះស្រាវជ្រាវបង្រ្កាប និងឃាត់ខ្លួន ក្នុងប្រតិបត្តិការបង្ក្រាបបទល្មើសគ្រឿងញៀនចំនួន ២០ករណី ទូទាំងប្រទេសនៅថ្ងៃទី០១ ខែកក្កដា ឆ្នាំ២០២៤ម្សិលមិញនេះ។
ក្នុងចំណោមជនសង្ស័យចំនួន ៤៤នាក់ រួមមាន៖ ជួញដូរ ៣ករណី ឃាត់ ១២នាក់(ស្រី ២នាក់),ដឹកជញ្ជូន រក្សាទុក ១៥ករណី ឃាត់ ២៩នាក់(ស្រី ១នាក់) និងប្រើប្រាស់ ២ករណី ឃាត់ ៣នាក់(ស្រី ០នាក់)។
ចំណែកវត្ថុតាងដែលចាប់យកសរុបក្នុងថ្ងៃទី០១ ខែកក្កដា រួមមាន៖ មេតំហ្វេតាមីន ម៉ាទឹកកក(Ice)ស្មេីនិង១៥២៩,៤១ក្រាម។ មេតំហ្វេតាមីន(Wy)ស្មេីនិង ០,៥០ក្រាម។ កេតាមីន(Ke)ស្មេីនិង ២៥៤,៥៩ក្រាម។ អុិចស្តាសុី(mdma)ស្មេីនិង ១២៧,៩៩ក្រាម។
ក្នុងប្រតិបត្តិការនោះជាលទ្ធផលខាងលើ ១១អង្គភាពបានចូលរួមបង្ក្រាប មានដូចខាងក្រោម៖
កម្លាំងនគរបាលជាតិចំនួន ៩អង្គភាព
*១ / បាត់ដំបង៖ រក្សាទុក ១ករណី ឃាត់ ២នាក់ ចាប់យកIce ៧,៦៦ក្រាម។
*២ / កំពង់ឆ្នាំង៖ ជួញដូរ ១ករណី ឃាត់ ៦នាក់ ចាប់យកIce ១១៤,៤៨ក្រាម។
*៣ / កណ្តាល៖ រក្សាទុក ៦ករណី ឃាត់ ១១នាក់ ប្រើប្រាស់ ១ករណី ឃាត់ ១នាក់ ចាប់យកIce ១៣,៥៤ក្រាម។
*៤ / កោះកុង៖ រក្សាទុក ១ករណី ឃាត់ ២នាក់ ចាប់យកIce ១,៦៧ក្រាម។
*៥ / ក្រចេះ៖ រក្សាទុក ១ករណី ឃាត់ ២នាក់ ចាប់យកIce ៥,២៣ក្រាម។
*៦ / រតនគិរី៖ រក្សាទុក ២ករណី ឃាត់ ៣នាក់ ចាប់យកIce ៤,៧៦ក្រាម។
*៧ / សៀមរាប៖ រក្សាទុក ១ករណី ឃាត់ ២នាក់ ចាប់យកWy ០,៥០ក្រាម។
*៨ / ស្វាយរៀង៖ ជួញដូរ ១ករណី ឃាត់ ៥នាក់ ស្រី ១នាក់ រក្សាទុក ១ករណី ឃាត់ ១នាក់ ចាប់យកIce ១៣៦០,៥៤ក្រាម, Ke ២៥៤,៥៩ក្រាម និងMDMA ១២៧,៩៩ក្រាម។
*៩ / តាកែវ៖ រក្សាទុក ១ករណី ឃាត់ ១នាក់ ចាប់យកIce ១,៥៤ក្រាម។
ដោយឡែកកម្លាំងកងរាជអាវុធហត្ថខេត្តចំនួន ២អង្គភាព
*១ / បាត់ដំបង៖ ប្រើប្រាស់ ១ករណី ឃាត់ ២នាក់។
*២ / ឧត្តរមានជ័យ៖ ជួញដូរ ១ករណី ឃាត់ ១នាក់ ស្រី ១នាក់ រក្សាទុក ១ករណី ឃាត់ ៥នាក់ ស្រី ១នាក់ ចាប់យកIce ១៩,៩៩ក្រាម៕
ដោយ៖ តារា
