ឃាត់ខ្លួន០៣នាក់ ពីបទជួញដូរ រក្សាទុកនិងប្រើប្រាស់ដោយខុសច្បាប់នូវសារធាតុញៀន 

ភ្នំពេញ៖ លោកវរសេនីយ៍ឯក ស៉ឹម ពិសិដ្ឋ អធិការនគរបាលខណ្ឌទួលគោក បានឱ្យដឹងនៅព្រឹកថ្ងៃទី០៩ ខែកក្កដា ឆ្នាំ២០២៤នេះថា៖ កម្លាំងផ្នែកប្រឆាំងគ្រឿងញៀនខណ្ឌ កាលពីល្ងាចម្សិលមិញនេះ បានធ្វើការ

ស្រាវជ្រាវឃាត់ខ្លួនជនសង្ស័យចំនួន០១នាក់ ភេទប្រុស

នៅចំណុចបណ្តោយផ្លូវ ៣៣៦ ក្រុម២៨ ភូមិ១០ សង្កាត់បឹងសាឡាង ខណ្ឌទួលគោក រាជធានីភ្នំពេញ និងបន្តធ្វើការស្រាវជ្រាវឃាត់ខ្លួនជនសង្ស័យចំនួន០២នាក់ទៀត នៅចំណុចមុខផ្ទះលេខ៥១ ផ្លូវ២៦៥ ក្រុមទី៤៤ ភូមិ១៣ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ នៅវេលាម៉ោងប្រហែល២០:០០នាទី ។

*ជនសង្ស័យ

១-ឈ្មោះ នី បញ្ញា ហៅ ម៉ាប់ ភេទប្រុស អាយុ២៨ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅមិនពិតប្រាកដ ។

២-ឈ្មោះ ថា សុីឡៃ ហៅ ឡៃ ភេទ ប្រុស អាយុ២៣ឆ្នាំ ជនជាតិខ្មែរ មុខរបរ ជាងកញ្ចក់ ស្នាក់នៅ ផ្ទះលេខ៥១ ផ្លូវ២៦៥ ក្រុម៤៤ ភូមិ១៣ សង្កាត់ ទឹកល្អក់ទី៣

ខណ្ឌទួលគោក រាជធានីភ្នំពេញ

៣-ឈ្មោះ សាត សុមេត ហៅមេត ភេទ ប្រុស អាយុ ២៣ឆ្នាំ ជនជាតិខ្មែរ ជាងកញ្ចក់ ស្នាក់នៅផ្ទះលេខ៥១ផ្លូវ២៦៥សង្កាត់ទឹកល្អក់៣ ខណ្ឌទួលគោក រាជធានីភ្នំពេញ។

*វត្ថុតាងចាប់

-ក្រាមពណ៌សថ្លា (សង្ស័យជាថ្នាំញៀន) ចំនួន ០១ កញ្ចប់ធំល្មម ទូរស័ព្ទម៉ាក oppo ពណ៌ទឹកសមុទ្រចំនួន០១ កញ្ចប់បារីម៉ាក MEVIUSចំនួន០១(ចាប់យកពីជនសង្ស័យឈ្មោះ នី បញ្ញាពេជ្រ ហៅ ម៉ាប់)

សំភារៈសំរាប់ប្រើប្រាស់ថ្នាំញៀនមួយចំនួន

(ចាប់យកពីឈ្មោះ ថា សុីឡៃ និងឈ្មោះសាត សុមេត)

*បច្ចុប្បន្ន ៖ ជនសង្ស័យទាំង០៣នាក់ខាងលើ រួមនិងវត្ថុតាង កំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌទួលគោក ដើម្បីកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ចាត់ការតាមនីតិវិធីច្បាប់៕អរុណរះ