សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នាយកដ្ឋានប្រឆាំងបទល្មើសបច្ចេកវិទ្យា នៅថ្ងៃទី២៤ ខែកក្កដា ឆ្នាំ២០២៤នេះ បានឱ្យដឹងថា ជនឆបោកបញ្ឆោតជនរងគ្រោះ ឱ្យផ្តល់លេខកូដផ្ទៀងផ្ទាត់គណនី WhatsApp/Telegram ដោយក្លែងខ្លួនជាអ្នកស្គាល់គ្នាហើយបំភាន់ជនរងគ្រោះគិតថាលេខកូដ ត្រូវដែលទទួលបានសម្រាប់គោលបំណងផ្សេង។ ឧ. លេខកូដត្រូវសម្រាប់បើកយករង្វាន់ផ្សងសំណាង។
នាយកដ្ឋានប្រឆាំងបទល្មើសបច្ចេកវិទ្យា បានបញ្ជាក់ថា បន្ទាប់មកជនឆបោកនឹងគ្រប់គ្រង់គណនីជនរងគ្រោះដើម្បី៖
បញ្ឆោតគណនីផ្សេងទៀតនៅក្នុងបញ្ជីទំនាក់ទំនងរបស់ពួកគេ ដោយប្រើល្បិចដូចគ្នា។
ប្រើប្រាស់គណនីជនរងគ្រោះដើម្បីឆបោកយកប្រាក់កម្ចីបន្ទាន់ និងសួររកព័ត៌មានលម្អិតអំពីគណនីធនាគារ និងកាតឥណទាន។
កុំចែករំលែកលេខកូដ សម្រាប់ការផ្ទៀងផ្ទាត់គណនី WhatsApp/Telegram របស់អ្នក ព័ត៌មានលម្អិតផ្ទាល់ខ្លួន ឬធនាគារ និង One-Time Pin (OTP) ជាមួយនរណាម្នាក់ទេ៕
ដោយ៖ តារា
