សារព័ត៌មាន នគរវត្ត តែងតែនាំមុខគេជានិច្ច
ក្លិប Fulham បានឈានដល់កិច្ចព្រមព្រៀងជាមួយ Arsenal ដើម្បីចុះហត្ថលេខានាំយកខ្សែបម្រើ Emile Smith Rowe ក្នុងតម្លៃ២៧លានផោនដំបូងជាមួយនឹងសក្តានុពលនៃការបន្ថែម៧លានផោនទៀត។
Smith Rowe គឺជាការចុះហត្ថលេខាលើកំណត់ត្រាក្លិបសម្រាប់ Fulham ហើយប្រភពបាននិយាយថា កម្មវិធីបន្ថែមគឺផ្អែកលើការប្រជែងពានរង្វាន់ Cup និងភាពជោគជ័យនៅពានរង្វាន់អឺរ៉ុបសម្រាប់ក្លិប។ កីឡាករវ័យ២៣ឆ្នាំរូបនេះត្រូវបានចាកចេញពីការប្រកួតមុនរដូវកាលពីរលើកមុនរបស់ Arsenal ខណៈកិច្ចព្រមព្រៀងត្រូវបានបញ្ចប់។
Smith Rowe គឺជាកីឡាករយុវជន និងជាថ្នាលយុវជនរបស់ក្លិបកាំភ្លើងធំ ដែលបង្ហាញខ្លយនដ៏ទាក់ទាញក្នុងចំណោមអ្នកគាំទ្រ ប៉ុន្តែរូបគាត់ត្រូវបានក្លាយជាជម្រើសទី២នៅ Arsenal បន្ទាប់ពីជម្រើសដំបូងមាន Gabriel Martinelli, Leandro Trossard និង Bukayo Saka ។
ខ្សែបម្រើរូបនេះធ្លាប់បានបង្ហាញខ្លួនឲ្យជម្រើសជាតិអង់គ្លេសចំនួន៣លើកចុងក្រោយនៅឆ្នាំ២០២២។ ទន្ទឹមនឹងនេះដែរ Arsenal បានចុះហត្ថលេខាលើខ្សែការពារអ៊ីតាលី Riccardo Calafiori ពី Bologna ក្នុងតម្លៃខ្លួនរហូតដល់៤២លានផោន ដែលនេះជាការផ្លាស់ប្តូរហិរញ្ញវត្ថុសម្រាប់ក្លិបកាំភ្លើងធំក្នុងការនាំយកកីឡាករចំណូលថ្មីសម្រាប់រដូវកាលថ្មីនេះ ៕
ដោយ៖ ភារៈ (រូបភាព ៖ BBC Sport)
