សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យមួយក្រុមបានធ្វេីសកម្មភាពគាស់ទ្វារចូលលួចយកម៉ូតូចំនួន៣គ្រឿងតែសម្រេច២គ្រឿងខណៈម្ចាស់មិននៅចាក់សោរផ្ទះទុកចោល។
ហេតុការណ៍នេះបានបង្កការភ្ញាក់ផ្អេីលកាលពីវេលាម៉ោង៧ព្រឹក ថ្ងៃទី៤ ខែកញ្ញា ឆ្នាំ២០២៤ ស្ថិតនៅភូមិ អករំដួល សង្កាត់សំរោងក្រោម ខណ្ឌពោធិ៍សែនជ័យ។
ជនរងគ្រោះឈ្មោះ ម៉ា នីកា ភេទស្រីអាយុ២៩ឆ្នាំ មុខរបរលក់អនឡាញ ស្នាក់នៅភូមិ អករំដួល សង្កាត់សំរោងក្រោម ខណ្ឌពោធិ៍សែនជ័យ។ ម៉ូតូដែលជនសង្ស័យលួចយកទៅចំនួន២គ្រឿង ម៉ាកzoomerx ទាំង២គ្រឿង ទីមួយពាក់ស្លាកលេខកណ្តាល1AA 4799 និងមួយគ្រឿងទៀតមិនចាំស្លាកលេខដោយឡែកម៉ូតូមួយគ្រឿងទៀតដែលជនសង្ស័យប្លុងចោលនោះម៉ាកស្កូបពីពណ៌ស ភ្នំពេញ1FE 2401 ។
តាមការរៀបរាប់ពីជនរងគ្រោះបានឱ្យដឹងថា កាលពីល្ងាចថ្ងៃទី៣ ខែកញ្ញា រូបគាត់បានទៅលេងផ្ទះបងនៅឯតាខ្មៅ ហេីយបានសម្រាកនៅទីនោះ លុះវេលាម៉ោង៣ទាបភ្លឺ មានបងប្អូនអ្នកជិតខាងបានខលទៅប្រាប់ថា មានឮសំឡេងនៅខាងក្នុងផ្ទះ ពេលនោះរូបគាត់បានប្រាប់ថា គាត់អត់នៅផ្ទះទេ បេីមានសំឡេងចេញពីក្នុងផ្ទះមានតែចោរចូល។
ជនរងគ្រោះបានបន្តទៀតថា ពេលនោះរូបគាត់ក៏បានធ្វេីដំណេីរចេញពីក្រុងតាខ្មៅមកដល់ផ្ទះក៏ឃេីញទ្វារចំហរ ដោយបាត់ម៉ូតូចំនួន៣គ្រឿង ទេីបឆោឡោឡេីងតែម្តង។
ជនរងគ្រោះបន្តទៀតថា លុះវេលាម៉ោង៧ព្រឹកទេីបរូបគាត់ដេីរស្វែងរកឃេីញម៉ូតូមួយគ្រឿងម៉ាកស្កូបពីដែលត្រូវបានជនសង្ស័យប្លុងចោលក្នុងទឹកចំណែក២គ្រឿងទៀតជនសង្ស័យយកទៅបាត់។
ក្រោយកេីតហេតុសមត្ថកិច្ចបានចុះទៅដល់ចំណុចកេីតហេតុសួរនាំនិងឆែកកាមេរ៉ាសុវត្តិភាពហេីយនាំជនរងគ្រោះទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលសំរោងក្រោម៕
ដោយ៖សុខា សែនជ័យ
