សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ អនុវត្តតាមអនុសាសន៍របស់សម្តេចមហាបវរធិបតី នាយករដ្ឋមន្ត្រី រដ្ឋបាលរាជធានីភ្នំពេញ បានរៀបចំរថយន្តក្រុងជាច្រើនរយគ្រឿងសម្រាប់ជូនបងប្អូន អ៊ំពូមីង តាយាយ ទៅលេងស្រុកកំណើត ធ្វើបុណ្យតាមប្រពៃណី និងសាសនាជាតិ ពិសេសការជួបជុំញាតិផៅសន្តានប្រកបដោយសុខសុវត្ថិភាព ផាសុកភាព ក៏ដូចជា ធ្វើដំណើរកម្សាន្តទៅកាន់ភូមិភាគឦសាន ដោយមិនបង់ប្រាក់ ។
សូមបងប្អូន អ៊ំពូមីង តាយាយ ពិនិត្យ និងតាមដានអំពីកាលវិភាគ ពេលវេលា និងទីកន្លែងដែលរថយន្តក្រុងចំនួន ៦៥៣គ្រឿង បានត្រៀមសម្រាប់បម្រើសេវាដឹកជញ្ជូនសាធារណៈ ដែលមានរយៈពេល ០៦ថ្ងៃ ចាប់ពីថ្ងៃទី២៩ ខែកញ្ញា ដល់ថ្ងៃទី០៤ ខែតុលា ឆ្នាំ២០២៤ “ដោយជិះមិនបង់ប្រាក់” ចេញទៅគោលដៅទាំង ២៤ខេត្តទូទាំងប្រទេស៕
ដោយ៖ តារា
