អគ្គិភ័យមួយ​កើតឡើងនៅចំណុចផ្ទះវីឡាលេខ ២៣៩ សង្កាត់ច្រាំងចំរះ ខណ្ឌឫស្សីកែវទាំងកណ្ដាលថ្ងៃ

ភ្នំពេញ៖ នៅវេលាម៉ោង១៣និង៣៥នាទីរសៀល ថ្ងៃទី០៥ ខែវិច្ឆិកា ឆ្នាំ២០២៤ មានករណីអគ្គិភ័យមួយ​កន្លែងកើតឡើងនៅចំណុចផ្ទះលេខ ២៣៩ សង្កាត់ច្រាំងចំរះ ខណ្ឌឫស្សីកែវ។

ហេតុការណ៍​អគ្គិភ័យឆាបឆេះនេះ បណ្តាលមកពីឆ្លងចរន្តអគ្គិសនីបង្កជាអគ្គិភ័យ។ អគ្គិភ័យនេះធ្វើឱ្យឆេះផ្ទះ១០ម៉ែត្រ x ១២ម៉ែត្រ ក្នុងនោះខូចខាតបន្ទប់ជាន់ទី២ ចំនួន០១បន្ទប់ រួមមានគ្រែ ចំនួន០១, ពូក ចំនួន០១ និងសម្ភារប្រើប្រាស់មួយចំនួនទៀត ហើយពុំបណ្តាលឲ្យឆេះរាលដាលដល់អ្នកក្បែរខាងឡើយ។

នៅវេលាម៉ោង១៣:៤៥នាទីរសៀល ថ្ងៃខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញ  ចំនួន ០៤គ្រឿង ប្រើប្រាស់ទឹកអស់ចំនួន ០១ឡាន ស្មើនឹង ០៤ម៉ែត្រគូប និងរថយន្តអគ្គិភ័យបុរីវិមានភ្នំពេញចំនួន ០២គ្រឿង ប្រើប្រាស់ទឹកអស់ចំនួន ០១ឡាន ស្មើនឹង ០៤ម៉ែត្រគូប៕

ដោយ៖ សូរិយា