សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្រី្តម្នាក់ត្រូវបានបុរសអ្នករស់នៅជិតខាងប្រេីអំពើហិង្សាវាយបណ្ដាលឱ្យរងរបួសនិងសន្លប់ផ្អើលដល់ប្រជាពលរដ្ឋរាយការណ៍ទៅសមត្ថកិច្ចចុះមកអន្តរាគមន៍ឃាត់ខ្លួនភ្លាមៗ។
ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១០និង១៥នាទីយប់ថ្ងៃទី២៨ ខែវិច្ឆិកា ឆ្នាំ២០២៤ ស្ថិតនៅច្រកចូលបុរី ផុនស៊ុយ ភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
ប្រភពព័ត៌មាននៅកន្លែងកើតហេតុបានឱ្យដឹងថា មូលហេតុដែលនាំឲ្យកេីតអំពើហិង្សានោះផ្ដេីមចេញពីកូនស្រ្ដីរងគ្រោះបានទៅស្រាយខ្សែទ្វារបិទនៅចំណុចច្រកចូលផ្ទះជួលបណ្ដាលឱ្យខ្យល់បក់ឮសូរក្ដូងក្ដាំងរំខានដល់បុរសខាងលើក៏ទៅរករឿងស្ដីបន្ទោសឱ្យ ស្រាប់តែស្រ្តីរងគ្រោះចេញមកជជែកគ្នាតឹងសរសៃ.កដាក់គ្នារហូតឈានដល់ថ្នាក់ប្រេីអំពើហិង្សាវាយគ្នាទៅវិញទៅមក ដោយខាងស្រ្តីមានគ្នាបីនាក់ និងកូន ចំណែកម្ខាងទៀតតែម្នាក់ឯងបណ្ដាលឱ្យអ្នកតែឯងរងរបួសស្រាលចំណែកស្រ្តីខាងលើត្រូវបានបុរសរូបនេះវាយអោយរងរបួសនិងសន្លប់។បន្ទាប់មកទើបបង្កការភ្ញាក់ផ្អើលដល់ប្រជាពលរដ្ឋនៅជិតខាងបានទាក់ទងទៅសមត្ថកិច្ចចុះមកអន្តរាគមន៍ភ្លាមៗ នៅពេលនោះស្រី្តរងគ្រោះក៏បានដឹងខ្លួនឡើងវិញ ហើយខាងសមត្ថកិច្ចបាននាំខ្លួនភាគីទាំងសងខាងយកទៅប៉ុស្តិ៍សួរនាំ។
បន្ទាប់ពីកេីតហេតស្រី្ដរងគ្រោះបានទៅដល់ប៉ុស្តិ៍ស្រាប់តែចង់ក្អួតចង្អោររួចក៏សន្លប់ម្ដងទៀត សមត្ថកិច្ចបានអោយសាច់ញាតិគ្រួសារដឹកបញ្ជូនយកទៅមន្ទីរពេទ្យសង្រ្គោះបន្ទាន់សិនរង់ចាំដោះស្រាយគ្នានៅពេលក្រោយ៕
ដោយ៖ ជ្រោយពេជ្រ
