សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោក ផន រឹម អនុរដ្ឋលេខាធិការ និងជាអ្នកនាំពាក្យក្រសួងសាធារណការ និងដឹកជញ្ជូន បានមានប្រសាសន៍ថា៖ ប៉ុន្មានថ្ងៃនេះ មានការវែកញែកពីសំឡេងចេញពីម៉ាស៊ីន តាមរយៈបំពង់ស៊ីមាំងរថយន្ត អំពីភាពខុស និងត្រូវ លើបញ្ហាបច្ចេកទេស និងទិដ្ឋភាពច្បាប់។
លោកអ្នកនាំពាក្យ បានបញ្ជាក់ថា ក្នុងនាមស្ថាប័នជំនាញលើកិច្ចការនេះ លោកសូមបញ្ជាក់ថា សំឡេងម៉ាស៊ីនចេញមកក្រៅតាមរយៈបំពង់ស៊ីមាំងត្រូវបានកំណត់ជាក់លាក់និងត្រូវវាស់វែងដោយឧបករណ៍បច្ចេកវាស់ មិនមែនកំណត់ដោយការស្តាប់នឹងត្រចៀក ឬតាមតែមាត់ថានោះទេ។
លោក ផន រឹម បានបន្តថា ការត្រួតពិនិត្យសំឡេងម៉ាស៊ីន ត្រូវដាក់ឧបករណ៍វាស់ជិតកន្ទុយបំពង់ស៊ីមាំងក្នុងស្ថានភាពឈប់ ឬចត ដោយតម្រូវឱ្យរថយន្តគ្រួសារ និងរថយន្តដែលមានទម្ងន់សរុបអតិបរមាមិនលើសពី៣,៥តោន មិនត្រូវលើសពី១០៣(មួយរយបី) db(A)ទេ៕
ដោយ៖ តារា
