សារព័ត៌មាន នគរវត្ត តែងតែនាំមុខគេជានិច្ច
ក្រុមកាំភ្លើងធំ Arsenal បានឈានឡើងទៅកាន់លេខ២បណ្តោះអាសន្ននៅ Premier League បន្ទាប់ពីទទួលជ័យជម្នះយ៉ាងត្រចះត្រចង់លើក្រុមម្ចាស់ផ្ទះ West Ham ៥ទល់២ នៅកីឡដ្ឋាន London Stadium ដែលគ្រាប់បាល់ចំនួន៧គ្រាប់ត្រូវបានស៊ុតបញ្ចូលទីក្នុងតង់ទីមួយ។
ក្រុមកាំភ្លើងធំបាននាំមុខក្រោយរយៈពេល១០នាទី នៅពេលដែលខ្សែការពារកណ្តាល Gabriel រកបានគ្រាប់បាល់ពីការទាត់បាល់ជ្រុងរបស់ Bukayo Saka នៅជិតបង្គោលទី។ ការនាំមុខត្រូវបានកើនឡើងគ្រាប់ទី២នៅនាទីទី២៧ ជាការស៊ុតរបស់កីឡាករ Leandro Trossard ពីការបញ្ជូនបាល់ពីចម្ងាយរបស់ Bukayo Saka។
បន្ទាប់មកតាមរយ:ការស៊ុតបាល់បញ្ចូលទីចំនួន៤គ្រាប់ក្នុងរយៈពេល៦នាទីដែលចាប់ផ្តើមដោយ Martin Odegaard ធ្វើបានគ្រាប់ទី៣ជាការស៊ុតបាល់ប៉េណាល់ទី ហើយ Arsenal បានឡើងដល់គ្រាប់ទី៤ ជាការស៊ុតបាល់បញ្ចូលទីរបស់កីឡាករ Kai Havertz ជាមួយនឹងការស៊ុតបាល់បញ្ចូលទីមួយទល់នឹងមួយអ្នកចាំទី Lukasz Fabianski ។
បន្ទាប់ពី Arsenal នាំមុខ៤គ្រាប់ ក្រុមម្ចាស់ផ្ទះ West Ham បានឆ្លើយតបនៅពេលដែលខ្សែការពារស្តាំ Aaron Wan-Bissaka ស៊ុតបញ្ចូលទីតាមពីក្រោយ១គ្រាប់ ហើយខ្សែការពារឆ្វេង Emerson បានបន្តរកបានគ្រាប់ទី២នៅនាទីទី៤០ ជាមួយនឹងការទាត់បាល់ពិន័យ Free-kick ដ៏អស្ចារ្យ។
ភ្លាមៗ Arsenal បានបន្តការនាំមុខគ្រាប់បាល់ទី៥របស់ខ្លួនជាមួយនឹងការពិន័យជាលើកទីពីរ ដែលលើកនេះស៊ុតបញ្ចូលទីដោយ Saka សម្រាប់គ្រាប់បាល់ក្រៅដីជាលើកដំបូងរបស់គាត់ក្នុងរដូវកាលនេះ បន្ទាប់ពី Fabianski ប៉ះទង្គិចជាមួយ Gabriel ដោយចៃដន្យធ្វើឲ្យអាជ្ញាកណ្តាលផ្តល់បាល់ពិន័យប៉េណាល់ទី។
នេះគ្រាន់តែជាលើកទី៤ក្នុងប្រវត្តិសាស្ត្រ Premier League ដែលស៊ុតបញ្ចូលទីបាន៧គ្រាប់ក្នុងតង់ទីមួយនៃការប្រកួត ប៉ុន្តែមិនមានការស៊ុតបញ្ចូលទីទេ បន្ទាប់ពីការប្រកួតនៅតង់ទី២ ខណៈដែល Arsenal បានមើលឃើញការឈ្នះយ៉ាងស្រួល។
ជ័យជំនះបានផ្លាស់ប្តូរក្រុមរបស់លោក Mikel Arteta ដោយចាញ់៦ពិន្ទុតាមពីក្រោយក្រុមកំពូលតារាង Liverpool ដែលនឹងត្រូវជួបក្រុមលេខ៣ Manchester City នៅរាត្រីថ្ងៃអាទិត្យ។ ចំណែក West Ham នៅតែស្ថិតក្នុងចំណាត់ថ្នាក់លេខ១៤ ក្នុងតារាងមាន៦ពិន្ទុពីលើតំបន់ដែលត្រូវកាត់ចោល ៕
ដោយ៖ ភារៈ(រូបភាព ៖ BBC)
