សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តកុងតឺន័របេីកលឿនខ្វះការប្រុងប្រយ័ត្នដល់ផ្លូវបំបែកជាបីបួងចង្កូតបត់ឆ្វេងមិនទាន់ជ្រុលបុកកិនម៉ូតូសិស្សសាលាពីរនាក់រងរបួសធ្ងន់ម្នាក់នឹងម្នាក់ទៀតរងរបួសស្រាល ។
ហេតុការណ៍នេះបង្កឲ្យមានការភ្ញាក់ផ្អើលឡើងកាលពីម៉ោង៨យប់ថ្ងៃទី១៧ ខែធ្នូ ឆ្នាំ២០២៤នៅតាមបណ្ដោយផ្លូវដួងងៀប៣ សង្កាត់ចោមចៅទី១ ខណ្ឌពោធិ៍សែនជ័យរាជធានីភ្នំពេញ ។
ប្រភពព័ត៌មាននៅកន្លែងកើតហេតុបានឲ្យដឹងថា នៅមុនពេលកេីតហេតុគេឃើញរថយន្តបង្កម៉ាកហុីយ៉ាន់ដាយពណ៌សពាក់ស្លាកលេខភ្នំពេញ3E-6707 បេីកតាមបណ្ដោយផ្លូវបេតុង ក្នុងភូមិគោកចំបក់ ក្នុងទិសដៅពីលិចទៅកេីតហេីយបត់ចូលផ្លូវដួងងៀប៣ក្នុងទិសដៅពីត្បូងទៅជេីង លុះបេីកបត់ឆ្វេងក៏ស្រាប់តែឃេីញជនរងគ្រោះសិស្សសាលា បាក់ទូក២នាក់ ជិះម៉ូតូម៉ាកZOOMERXពណ៌សលាយក្រហមពាក់ស្លាកលេខបន្ទាយមានជ័យ1P-4019 ធ្វើដំណើរតាមបណ្ដោយផ្លូវបេតុងដួងងៀប៣ក្នុងទិសដៅពីជេីងទៅត្បូង ខណៈបេីកមកដល់ចំណុចកេីតហេតុស្រាប់តែរថយន្តកុងតឺន័របានបួងចង្កូតបត់ឆ្វេងហេីយបុកកិនអូសម៉ូតូបេីកបរដោយសិស្សសាលាបាក់ទូក២នាក់អូសជាច្រេីនម៉ែត្របណ្តាលឲ្យរងរបួសធ្ងន់ម្នាក់ នឹងរងរបួសស្រាលម្នាក់ ។
ប្រភពព័ត៌មានពីកន្លែងកើតហេតុបានបន្តទៀតថាខណៈគ្រោះថ្នាក់ភ្លាមៗជនរងគ្រោះសិស្សសាលាបាក់ទូកម្នាក់រងរបួសធ្ងន់ត្រូវបាន ដឹកយកទៅសង្រ្គោះបន្ទាន់នៅមន្ទីរពេទ្យឯកជនភ្លាមៗ នឹងម្នាក់ទៀតរងរបួសស្រាល នៅកន្លែងកើតហេតុ ។ អ្នកបេីកបររថយន្តបង្កបាននិយាយប្រាប់ថា នៅមុនពេលកេីតហេតុ រថយន្តគាត់ខូចដេមិនឆេះហេីយរថយន្តផ្សេងមួយគ្រឿងទៀតដេីម្បីរុញ ពេលរុញរថយន្តបានឆេះហេីយជាប់លេខហេីយបេីកក្នុងល្បឿនយ៉ាងលឿន លុះបេីកមកដល់ចំណុចកេីតហេតុផ្លូវបំបែកជាបីបានបួងចង្កូតបត់ឆ្វេងក៏ជ្រុលទៅបុកកិនម៉ូតូជនរងគ្រោះតែម្តង ចំណែកគាត់បានកាច់សោពន្លត់តែម្តង ។
បន្ទាប់ពីកេីតហេតុសមត្ថកិច្ចនគរបាលមូលដ្ឋានប៉ុស្តិ៍នគរបាលរដ្ឋសង្កាត់ចោមចៅទី១បានទាក់ទងទៅសមត្ថកិច្ចជំនាញចរាចរណ៍ខណ្ឌពោធិសែនជ័យភ្លាមៗដេីម្បីធ្វើការវាស់វែងនឹងយករថយន្តព្រមទាំងម៉ូតូជនរងគ្រោះយកទៅរក្សាទុកដេីម្បីរង់ចាំការដោះស្រាយគ្នានៅពេលក្រោយ៕
ដោយ៖ ជ្រោយពេជ្រ
