សារព័ត៌មាន នគរវត្ត តែងតែនាំមុខគេជានិច្ច
ក្រុមអ្នកជួយសង្គ្រោះបាននិយាយថា មានមនុស្សតែ 2 នាក់ប៉ុណ្ណោះក្នុងចំណោម 181 នាក់នៅលើយន្តហោះកូរ៉េដែលបានរអិលផ្លូវរត់ ហើយបានឆាបឆេះនៅអាកាសយានដ្ឋាន Muan បានរួចជីវិត ហើយមនុស្សដែលនៅសល់បានស្លាប់។ទីភ្នាក់ងារព័ត៌មានយ៉ុនហាប់ នៅរសៀលថ្ងៃទី២៩ ខែធ្នូ បានដកស្រង់ព័ត៌មានពីទីភ្នាក់ងារជួយសង្គ្រោះកូរ៉េថា មានមនុស្សតែ២នាក់ប៉ុណ្ណោះ ក្នុងចំណោមមនុស្ស ១៨១នាក់នៅលើយន្តហោះ ដែលបានធ្លាក់ចេញពីផ្លូវរត់ និងឆេះយ៉ាងសន្ធោសន្ធៅនៅអាកាសយានដ្ឋាន Muan ត្រូវបានរកឃើញនៅរស់ ហើយមនុស្ស ១៧៩នាក់ផ្សេងទៀតបានស្លាប់។
នៅពេលធ្លាក់យន្តហោះកូរ៉េបានដឹកមនុស្ស១៨១នាក់ (ក្នុងនោះមានអ្នកដំណើរកូរ៉េ១៧៣នាក់ អ្នកដំណើរថៃ២នាក់ និងសមាជិកនាវិក៦នាក់)។
យោងតាមកាសែត The Korea Times យន្តហោះដំបូងបានព្យាយាមចុះចត ប៉ុន្តែមិនបានសម្រេច។ បន្ទាប់មក យន្តហោះបានធ្វើដំណើរជុំវិញអាកាសយានដ្ឋាន ហើយព្យាយាមចុះចតម្តងទៀតដោយប្រើតួយន្តហោះ ប៉ុន្តែបានខកខានផ្លូវរត់។ ទីបំផុតយន្តហោះបានធ្លាក់ចូលទៅក្នុង ចុងផ្លូវរត់ដែលនាំឱ្យមានគ្រោះថ្នាក់ ។ គ្រោះថ្នាក់នេះបានកើតឡើងកាលពីវេលាម៉ោង៩និង០៣នាទីព្រឹក។
អាជ្ញាធរកំពុងស៊ើបអង្កេតរកមូលហេតុនៃគ្រោះថ្នាក់នេះ។ បច្ចុប្បន្ននេះ ទិសដៅស៊ើបអង្កេតកំពុងផ្អៀងទៅរកករណីឧបករណ៍ចុះចតរបស់យន្តហោះមានបញ្ហា។ សាក្សីខ្លះក៏បាននិយាយដែរថា ពួកគេបានឃើញយន្តហោះបុកជាមួយសត្វស្លាប។
ប្រធានាធិបតីស្តីទី លោក Choi Sang-mok បានបញ្ជាឱ្យស្ថាប័នពាក់ព័ន្ធ ប្រមូលធនធានមនុស្ស និងសម្ភារៈទាំងអស់ ដើម្បីដោះស្រាយស្ថានការណ៍។ យោងតាមកាសែត The Korea Times លោក Choi កំពុងធ្វើដំណើរទៅកាន់កន្លែងកើតហេតុ៕ ដោយ៖ ធីរីណា
រូបថត៖ YONHAP
