សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានបេីករថយន្តដឹកសម្ភារៈតន្ត្រីមួយគ្រឿងជ្រុលទៅទាក់និងខ្សែភ្លើងកាត់ទទឹងផ្លូវបណ្ដាលឲ្យទាញបាក់បង្គោលភ្លើងរងការខូចខាតចំនួន១ដេីម ។
ហេតុការណ៍នេះបានកេីតឡេីងនៅវេលាម៉ោង៩យប់ថ្ងៃទី១ខែមករាឆ្នាំ២០២៥ តាមបណ្ដោយផ្លូវ២៩៤ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មានពីកន្លែងកើតហេតុ បានអោយដឹងថា មុនពេលកេីតហេតុគេបានឃើញបុរសម្នាក់បានបេីករថយន្តដឹកសំភារៈតន្ត្រី មួយគ្រឿង ម៉ាកហ៊ីយុនដាយ ពណ៌សលាយបៃតង ពាក់ស្លាកលេខ បាត់ដំបង3A2197 បានបេីកធ្វើដំណើរតាមបណ្ដោយផ្លូវ២៩៤ទិសដៅពី លិចទៅកេីត លុះមកដល់ចំនុចកេីតហេតុ ដោយសារតែរថយន្តដឹកសំភារៈខ្ពស់ពេកទើបធ្វើឲ្យជ្រុលទៅទាក់និងខ្សែភ្លើងរួមទាំងខ្សែអុបទិកដែលកាត់ទទឹងផ្លូវ បណ្ដាលឲ្យទោរទាញបាក់ទ្រេតបង្គោលភ្លើងខូចខាតអស់ចំនួន១ដេីមផងដែរ ។
ហើយក្នុងហេតុការណ៍នេះមិនមានគ្រោះថ្នាក់ចរាចរណ៍មនុស្ស ខូចខូចខាតសម្ភារៈផ្សេងៗនោះទេ គ្រាន់តែបាក់បង្គោលភ្លើងទ្រេតអស់១ដេីមតែប៉ុណ្ណោះ ។
ក្រោយពេលកេីតហេតុ ក៏មានតំណាងភាគីទាំងសងខាង បានសម្របសម្រួលគ្នាដោយខាងរថយន្ត ជួយចេញថ្លៃការជួសជុលឡើងវិញ ដើម្បីបញ្ចប់រឿងតែម្ដង ៕
ដោយ៖សុខាសែនជ័យ
