សារព័ត៌មាន នគរវត្ត តែងតែនាំមុខគេជានិច្ច
ខេត្តកំពត៖ លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការ នៃស្នងការដ្ឋាននគរបាលខេត្តកំពត នៅរសៀលថ្ងៃពុធទី០៥ ខែកុម្ភៈ ឆ្នាំ២០២៥នេះ បានបង្ហោះសារនៅលេីបណ្ដាញសង្គមហ្វេសប៊ុកផ្លូវការរបស់លោកថា៖ ក្មួយៗនៅខេត្តកំពត លឺថានាំគ្នាកែខ្លួនធ្វើជាក្មេងល្អ កូនល្អអស់ហើយ ក្មួយៗកុំភ្លេចខ្លួនឱ្យសោះណា ក្មួយអាចភ្លេចពូ តែពូមិនភ្លេចក្មួយៗនោះទេ ឱ្យតែបង្ហោះម៉ូតូកាប់ចាក់បងតូចបងធំគឺកំលាំងពូទៅដល់ភ្លាម។
លោកឧត្តមសេនីយ៍ទោ ម៉ៅ ច័ន្ទមធុរិទ្ធ បានសង្កត់ធ្ងន់ថា ពូធ្វើនេះព្រោះចង់ឱ្យក្មួយៗមានអនាគតល្អសំរាប់អនាគតខ្លួនឯង ឪពុកម្តាយយើងពួកគាត់មិនមែនចិញ្ចឹមយើងអស់មួយជីវិតនោះទេ បើក្មួយៗចង់ឱ្យឪពុកម្តាយមានសេចក្តីសុខនិងមានសុខភាពល្អ ធ្វើតែអំពើល្អចំពោះពួកគាត់ កុំនាំរឿងក្តៅក្រហាយឱ្យពួកគាត់ទៅបានហើយ នោះពួកគាត់នឹងសប្បាយចិត្តជាងក្មួយៗយកលុយទៅឱ្យពួកគាត់ទៅទៀត ។ នេះគឺជាបំណងល្អពីពូស្នងការ ។
សូមជម្រាបជូនថា លោកឧត្តមសេនីយ៍ទោ ម៉ៅ ច័ន្ទមធុរិទ្ធ តែងតែបង្ហោះសារដាស់តឿនដល់ក្មួយៗមួយចំនួនតូចដែលចង់ធ្វើខ្លួនជាក្មេងទំនើង ត្រូវកែខ្លួនជាបន្ទាន់ប្រសិនបើមិនកែខ្លួននោះទេ គឺលោកមានវិធានការយ៉ាងម៉ឺងម៉ាត់តាមច្បាប់ ដោយគ្មានការលើកលែងនោះទេ។ មិនតែប៉ុណ្ណោះ ប្រសិនបើនៅខេត្តកំពត មានក្មេងទំនើងគឺមិនរួចខ្លួននោះទេ ! ខណៈលោកនឹងផ្ដល់ថវិការមួយចំនួន សម្រាប់ផ្តល់ជូនចំពោះអ្នកផ្តល់ពត៏មានឈានទៅដល់ការឃាត់ខ្លួនក្រុមក្មេងទំនើងណារស់នៅខេត្តកំពត ហើយលោកនឹងរក្សារការសម្ងាត់ជូនផងដែរ៕
ដោយ៖ ស តារា
