សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នៅព្រឹកថ្ងៃទី៦ ខែកុម្ភៈ ឆ្នាំ២០២៥នេះ អាជ្ញាធរ បានធ្វើការឃាត់ម៉ូតូចំនួន ១៥គ្រឿង យកមករក្សាទុកនៅប៉ុស្ដិ៍នគរបាលរដ្ឋបាលស្ទឹងមានជ័យទី១ រង់ចាំចំណាត់ការជំនាញបន្ដ បន្ទាប់ពីជិះបញ្ច្រាសទិស នៅលើកំណាត់ផ្លូវ២១៧ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។
សូមបញ្ជាក់ថា ៖ នៅព្រឹកថ្ងៃទី៦ ខែកុម្ភៈ ឆ្នាំ២០២៥ ប៉ុស្ដិ៍នគរបាលរដ្ឋបាលស្ទឹងមានជ័យទី១ សហការជាមួយកម្លាំង គណបញ្ជាការឯកភាពខណ្ឌមានជ័យ និង សង្កាត់ស្ទឹងមានជ័យទី១ ដឹកនាំដោយ លោក ជា សារ៉េត ចៅសង្កាត់ស្ទឹងមានជ័យទី១ បានធ្វើការអនុវត្តន៍ ច្បាប់ចរាចរណ៍ចំពោះអ្នកជិះបញ្រ្ចាសទិស នៅលើកំណាត់ផ្លូវ ២១៧ សង្កាត់ស្ទឹងមានជ័យទី១ ។ ជាលទ្ធផល ឃាត់បានមធ្យោបាយបញ្ច្រាស ៖ ម៉ូតូ ចំនួន ១៥គ្រឿង យកមករក្សាទុក នៅប៉ុស្ដិ៍នគរបាលរដ្ឋបាលស្ទឹងមានជ័យទី១ រង់ចាំចំណាត់ការជំនាញបន្ដ។
កាលពីម្សិលមុិញ ឃាត់នឹងធ្វើការអប់រំ ថ្ងៃនេះ ! ត្រូវតែយកមករក្សាទុក ដើម្បីកែទម្លាប់អាក្រក់ ការបើកបរមិនគោរពច្បាប់ចរាចរណ៍ ៕
ដោយ ៖ សិលា
