សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ អ្នកនាំពាក្យនៃអយ្យការអមសាលាដំបូងរាជធានីភ្នំពេញ នាល្ងាចថ្ងៃទី៨ ខែកុម្ភៈ ឆ្នាំ២០២៥ បានបញ្ជាក់ថា តំណាងអយ្យការបានសម្រេចដោះលែង បុគ្គលឈ្មោះ ពេជ ពិសិដ្ឋ ហៅ សាមុត ពិសិដ្ឋ ឲ្យត្រឡប់ទៅផ្ទះវិញ បន្ទាប់ពីបើកការស៊ើបសួររយៈពេលពេញមួយថ្ងៃ ពាក់ព័ន្ធ ការ ញុះញង់ឱ្យមានការរើសអើង គាត់និយាយវីដេអូឃ្លីប វាយប្រហាររាជរដ្ឋាភិបាល គាត់មិនសហការក្នុងការផ្តល់ចម្លើយ ដែលសុទ្ធជាបទល្មើស ដែលគាត់”ឡើង ហើយគាត់ក្លែងអត្តសញ្ញាណចឹងទៀត។
មុនឈានដល់ការឃាត់ខ្លួននៅថ្ងៃទី០៧ ខែកុម្ភៈ ឆ្នាំ២០២៥នេះ បុគ្គល ឈ្មោះ ពេជ ពិសិដ្ឋ ត្រូវបាននាយកដ្ឋានប្រឆាំងបទល្មើសបច្ចេកវិទ្យា ចេញលិខិតកោះហៅឱ្យចូលបំភ្លឺពាក់ព័ន្ធការប្រើប្រាស់បណ្តាញសង្គម កាលពីព្រឹកថ្ងៃទី០៦ ខែកុម្ភៈ ឆ្នាំ២០២៥។ ខណៈបុគ្គលរូបនេះ ក៏រង បណ្ដឹងពីលោក ផែង វណ្ណៈ ដែលបានប្តឹងទៅកាន់ព្រះរាជអាជ្ញានៃ អយ្យការអមសាលាដំបូងរាជធានីភ្នំពេញ ពីបទញុះញង់ឱ្យមានការ រើសអើង និងជេរប្រមាថជាសាធារណៈ តាមរយៈបណ្តាញសង្គមហ្វេសប៊ុក។
បច្ចុប្បន្ន បុគ្គល ឈ្មោះ ពេជ ពិសិដ្ឋ ត្រូវបាន តំណាងអយ្យការ អនុញ្ញាតឲ្យត្រឡប់ទៅផ្ទះវិញ និង កែប្រែនូវកំហុសឆ្គង កុំចេះតែនិយាយ ឬ ធ្វើសកម្មភាពប៉ះពាល់ដល់សង្គមជាតិ ឬ ធ្វើឲ្យមានការ ភាន់ច្រឡំណាមួយ នៅបណ្តាញសង្គម Facebook ៕
ដោយ ៖ រ៉ារ៉ា
