🔥អគ្គិភ័យដោយឆ្លងចរន្តអគ្គិសនីធ្វើឱ្យឆេះបន្ទប់ខារ៉ាអូខេ KTV YES ចំនួន ០១បន្ទប់ ទំហំ ០៨ម៉ែត្រ×០៨ម៉ែត្រ រួមទាំងសម្ភារៈអស់ទាំងស្រុង

ភ្នំពេញ ៖ នៅវេលាម៉ោង១០:៤០នាទីព្រឺក ថ្ងៃទី០៩ ខែកុម្ភៈ ឆ្នាំ២០២៥ មានករណីអគ្គិភ័យមួយ កន្លែងកើតឡើងនៅចំណុច យេស-ខេធីវី   ផ្លូវ១៣៩  ភូមិ០៣ សង្កាត់វាលវង់ ខណ្ឌ៧មករា រាជធានីភ្នំពេញ ។ នេះបើយោងតាមផេកស្នងការដ្ឋាននគរបាលរាជធានីភ្នំពេញ នៅរសៀលថ្ងៃដដែលនេះ ។

ហេតុការណ៍ អគ្គិភ័យឆាបឆេះនេះ បណ្តាលមកពីឆ្លងចរន្តអគ្គិសនីបង្កជាអគ្គិភ័យ។ អគ្គិភ័យនេះធ្វើឱ្យឆេះបន្ទប់ខារ៉ាអូខេ yes ចំនួន ០១បន្ទប់ ទំហំ ០៨ម៉ែត្រ×០៨ម៉ែត្រ រួមទាំងសម្ភារៈអស់ទាំងស្រុង នឹងពុំបានបណ្ដាលឱ្យឆេះរាលដាលដល់អ្នកក្បែរខាងឡើយ ។

នៅវេលាម៉ោង១២:២០នាទី ថ្ងៃទីខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញ ចំនួន ១៨គ្រឿង ប្រេីប្រាស់ទឹកអស់ចំនួន ៥៤ឡាន ស្មើរនឹង  ២១៦ម៉ែត្រគូប, រថយន្តក្រសួងមហាផ្ទៃ ចំនួន ០២គ្រឿង ប្រើប្រាស់ទឹកអស់ចំនួន ០៦ឡាន ស្មើរនឹង ២៥ម៉ែត្រគូប, រថយន្តទីក្រុងកោះពេជ្រ ចំនួន០២គ្រឿង ប្រើប្រាស់ទឹកអស់ចំនួន ០៤ឡាន ស្មើរនឹង ២៤ម៉ែត្រគូប, រថយន្តទីក្រុងអូឡាំព្យា ចំនួន០២គ្រឿង ប្រើប្រាស់ទឹកអស់ចំនួន ០៤ឡាន ស្មើនឹង ២៤ម៉ែត្រគូប,រថយន្តក្រុមហ៊ុនស្រាបៀរកម្ពុជាចំនួន ០១គ្រឿង ប្រើប្រាស់ចំនួន ០២ឡាន ស្មើនឹង ១២ម៉ែុត្រគូប៕

ដោយ ៖ សិលា