🔥ឆ្លងចរន្តអគ្គិសនីឆាបឆេះហាងលក់គ្រឿងសម្អាង ទាំងព្រឹក នៅក្រុងសៀមរាប

ខេត្តសៀមរាប ៖ ឆ្លងចរន្តអគ្គិសនីបង្កអគ្គិភ័យឆាបឆេះហាងលក់គ្រឿងសម្អាង យីហោ Nature Republic ត្រូវបានប្រជាពលរដ្ឋទំនាក់ទំនងហៅសមត្ថកិច្ចចេញរថយន្តពន្លត់ទៅជួយអន្តរាគមន៍ ។

ហេតុការណ៍នេះបង្កឱ្យមានការភ្ញាក់ផ្អើលកាលពីម៉ោង៦និង៤៥នាទីព្រឹក ថ្ងៃទី១០ ខែកុម្ភៈ ឆ្នាំ២០២៥ ស្ថិតនៅតាមផ្លូវព្រះសីហមុនី(ស៊ីវត្ថា) ចំណុចមុខសណ្ឋាគារ សោមាទេវី ក្នុងភូមិមណ្ឌល២ សង្កាត់ស្វាយដង្គុំ ក្រុងសៀមរាប ខេត្តសៀមរាប ។

សមត្ថកិច្ចបានឲ្យដឹងថា គ្រោះអគ្គិភ័យបានកើតឡើងខណៈដែលម្ចាស់ទីតាំងកំពុងរៀបចំបើកទ្វារលក់ដូរ ស្រាប់តែឆ្លងចរន្តអគ្គិសនីឃើញមានផ្សែងហុយបង្កជាអគ្គិភ័យឆាបឆេះឡើងតែម្តង។ ហេតុការណ៍នេះដែរបានកើតឡើងភ្លាមៗ ឃើញមានកម្លាំងសមត្ថកិច្ចហៅរថយន្តពន្លត់អគ្គិភ័យរបស់ស្នងការខេត្ត ចេញទៅជួយអន្តរាគមន៍ បាញ់ទឹកពន្លត់ភ្លើងឱ្យរលត់ទៅវិញ ផងដែរ បណ្តាលឲ្យរងខូចខាតសម្ភារៈនៅក្នុងផ្ទះអស់មួយចំនួន៕

ដោយ៖ ជ្រោយពេជ្រ