សមត្ថកិច្ចនគរបាលជំនាញបញ្ជូនជនសង្ស័យជនជាតិវៀតណាម៥នាក់ រួមជាមួយវត្ថុតាងទៅកាន់សាលាដំបូងខេត្តស្វាយរៀងករណីជួញដូរ រក្សាទុកប្រើប្រាស់ដោយខុសច្បាប់នូវសារធាតុញៀន និងកាន់កាប់រក្សាទុកអាវុធ គ្រាប់រំសេវដោយគ្មានការអនុញ្ញាតនៅក្រុងបាវិត

ខេត្តស្វាយរៀង៖ សមត្ថកិច្ចនគរបាលជំនាញបានបញ្ជូនជនសង្ស័យជនជាតិវៀតណាម៥នាក់ រួមជាមួយវត្ថុតាងទៅកាន់សាលាដំបូងខេត្តស្វាយរៀង ពាក់ព័ន្ធករណីជួញដូរ រក្សាទុកប្រើប្រាស់ដោយខុសច្បាប់នូវសារធាតុញៀន និងកាន់កាប់រក្សាទុកអាវុធ គ្រាប់រំសេវដោយគ្មានការអនុញ្ញាត នៅក្រុងបាវិត ។

យោងតាមនគរបាលជំនាញបានអោយដឹងនារសៀលថ្ងៃទី១៦ខែកុម្ភៈឆ្នាំ២០២៥នេះថា ជនសង្ស័យមាន៖

១. ហ្វាម ឌឹកគឿង ភេទប្រុស អាយុ ២៨ ឆ្នាំ

២. កាប ឌឹកអាញ់  ភេទប្រុស អាយុ៣៨ ឆ្នាំ

៣. ង្វៀង វ៉ាន់ទូ ភេទប្រុស អាយុ ២១ ឆ្នាំ

៤. ង្វៀង វ៉ាន់មិ ភេទប្រុស អាយុ ៣៣ ឆ្នាំ

និងទី៥. ច្រឹង ដឹកម៉ាន់ ភេទប្រុស អាយុ ២៥ ឆ្នាំ។

ប្រភពបន្តថា ដោយអនុវត្តតាមបទបញ្ជាដ៍មុឺងម៉ាត់របស់លោកឧត្តមសេនីយ៍ទោ ពេជ្រ វីរ: ស្នងការនគរបាលខេត្ត និងដឹកនាំបញ្ជាផ្ទាល់ពីលោកឧត្តមសេនីយ៍ត្រី កែវ សុថា ស្នងការរង ទទួលផែនការងារប្រឆាំងគ្រឿងញៀន និងការសម្របសម្រួលផ្ទាល់ពីលោក ឡាយ ជុងហេង ព្រះរាជអាជ្ញារង អមសាលាដំបូងខេត្តស្វាយរៀង កាលពីថ្ងៃទី១៣-១៤ ខែកុម្ភៈ ឆ្នាំ២០២៥ កម្លាំងជំនាញផែនការងារប្រឆាំងគ្រឿងញៀនខេត្ត សហការជាមួយកម្លាំងអធិការដ្ឋាននគរបាលក្រុងបាវិត បានបើកប្រតិបត្តិការបង្ក្រាបករណីជួញដូរគ្រឿងញៀន និងកាន់កាប់រក្សាទុកអាវុធដោយខុសច្បាប់ និងបានឃាត់ខ្លួនជនសង្ស័យជាជនជាតិវៀតណាមចំនួន០៥នាក់និងដកហូតសម្ភារ:វត្ថុតាងរួមមាន៖

-ថ្នាំញៀនប្រភេទកេតាមីន ទម្ងន់ ១៦៩៣,៣៧ក្រាម

-ថ្នាំញៀនប្រភេទ អុិចស្តាសុី ទម្ងន់ ២៣៤៣,៩៥ក្រាម

-ថ្នាំញៀនប្រភេទមេតំហ្វេតាមីន ទម្ងន់ ៦៣៥,១៦ក្រាម(សរុបសារធាតុញៀនទម្ងន់ ៤៦២៨,៨៩ក្រាម) ៤kg៦២៨,៨៩g

-អាវុធខ្លី០៥ដើម បង់០៥ គ្រាប់៥៤គ្រាប់

-រថយន្ត ០១ គ្រឿង- ម៉ូតូ០២ គ្រឿង

-លិខិតឆ្លងដែន ០២ ក្បាល – អត្តសញ្ញាណប័ណ្ណវៀតណាម០១ សន្លឹក -ប្រាក់ដុល្លារ 1000$ -ប្រាក់ដុង ៤.០០០.០០០ដុង រួមទាំងឧបករណ៍ សម្ភារប្រើប្រាស់គ្រឿងញៀនមួយចំនួនទៀត ៕

ដោយ៖ សុថាន