សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បានស្លាប់ភ្លាមៗខណៈជិះម៉ូតូតាមដងផ្លូវត្រូវរថយន្តមិនចាំម៉ាកបេីកបុកពីក្រោយអូសជាច្រេីនម៉ែត្រហេីយរថយន្តបង្កបានបើកគេចបាត់ស្រមោល ។
ហេតុការណ៍នេះបានកើតឡើងកាលពីវេលាម៉ោង ១២និង៥០ នាទីថ្ងៃត្រង់ថ្ងៃទី២០ខែកុម្ភៈឆ្នាំ ២០២៥ នៅតាមបណ្ដោយមហាវិថីឈ្នះឈ្នះ ក្នុងភូមិកប់ស្រូវធំ សង្កាត់គោករកា ខណ្ឌព្រែកព្នៅ រាជធានីភ្នំពេញ។
សពជនរងគ្រោះឈ្មោះ សុខ សម្បត្តិ ភេទប្រុស អាយុ២០ ឆ្នាំ ជាអ្នកបើកគ្រឿងចក្រនៅការដ្ឋានសាងសង់ អាសយដ្ឋាន ស្នាក់នៅសព្វថ្ងៃ នៅភូមិថ្មី ឃុំស្វាយអំពារ ស្រុកមុខកំពូល ខេត្ដកណ្ដាល ។
ប្រភពព័ត៌មានពីប្រជាពលរដ្ឋ ឃើញ ជនរងគ្រោះបានជិះម៉ូតូម៉ាកហុងដាឌ្រីម ពាក់ស្លាកលេខកំពង់ធំ 1M-0977 ធ្វើដំណើរតាមមហាវិថីឈ្នះឈ្នះក្នុងទិសដៅពីកើតទៅលិច លុះពេលមកដល់ចំណុចកើតហេតុ ស្រាប់តែមានរថយន្តមួយគ្រឿងធ្វើដំណើរស្របទិសគ្នា ក្នុងល្បឿនលឿន មកបុកពីក្រោយពេញទំហឹងបណ្តាល អោយអូសជនរងគ្រោះជាច្រើនម៉ែត្រ ស្លាប់បាត់បង់ជីវិតភ្លាមៗនៅនឹងកន្លែងតែម្តង ។ចំណែក អ្នកបើករថយន្តបង្កឃើញស្ងាត់ឱកាសល្អ ក៏បានបើករថយន្តគេចខ្លួនបាត់ស្រមោល បន្សល់តែសពជនរងគ្រោះជាប់នឹងម៉ូតូនៅទីតាំងគ្រោះថ្នាក់ ។
បច្ចុប្បន្ន សមត្ថកិច្ចបានប្រគល់សពឱ្យក្រុមគ្រួសារបញ្ជូនទៅកាន់ស្រុកមុខកំពូលធ្វើបុណ្យតាមប្រពៃណីចំណែកម៉ូតូនគរបាលរក្សាទុកនៅអធិការដ្ឋានខណ្ឌព្រែកព្នៅ ដើម្បីបន្តនីតិវិធី ៕
ដោយ៖សុខាសែនជ័យ
