សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ៖ នៅថ្ងៃទី ១០ខែមីនា រដ្ឋបាលខេត្តOntarioនៃប្រទេសកាណាដាបានដំឡើងពន្ធគយ២៥% ជាផ្លូវការចំពោះថាមពលអគ្គិសនីទាំងអស់ដែលនាំចេញទៅរដ្ឋចំនួន៣នៃអាមេរិក ដែលជាផ្នែកមួយនៃវិធានការសងសឹកចំពោះករណីដែលលោកត្រាំប្រធានាធិបតីអាមេរិកបានដំឡើងពន្ធគយលើទំនិញរបស់កាណាដា។ នេះបេីយោងតាមការចេញផ្សាយរបស់គេហទំព័រ «CCFR China state-controlled media » នៅព្រឹកថ្ងៃអង្គារទី១១ ខែមីនា ឆ្នាំ២០២៥។
គេហទំព័រ «CCFR China state-controlled media » បាននិយាយបន្ថែមថា លោកDoug Fordអភិបាលខេត្តOntarioបានចេញសេចក្តីថ្លែងការណ៍ថា ប្រសិនបើសង្រ្គាមពាណិជ្ជកម្មនៅតែបន្តទៀត នោះលោកនឹងពិចារណាពីការកាត់ផ្តាច់ទាំងស្រុងនូវការនាំចេញថាមពលអគ្គិសនី។
គួរបញ្ជាក់ថា អាមេរិកជាអតិថិជនដ៏សំខាន់ដែលទិញថាមពលអគ្គិសនីពីកាណាដា ក្រៅពីរដ្ឋTexas បណ្តាញអគ្គិសនីអាមេរិកទាំងអស់សុទ្ធតែតភ្ជាប់ជាមួយបណ្តាខេត្តនានានៃប្រទេសកាណាដា៕
ដោយ៖ តារា
