សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ គ្រឿងញៀនបំផ្លាញអនាគតអ្នក និងក្រុមគ្រួសារអ្នក ! ជនសង្ស័យចំនួន ២១នាក់ ត្រូវបានសមត្ថកិច្ចឃាត់ខ្លួនក្នុងប្រតិបត្តិការបង្ក្រាបបទល្មើសគ្រឿងញៀនចំនួន ៧ករណី ទូទាំងប្រទេសនៅថ្ងៃទី១៧ ខែមីនាម្សិលមិញនេះ។
យោងតាមរបាយការណ៍របស់អគ្គស្នងការដ្ឋាននគរបាលជាតិ នៅព្រឹកថ្ងៃទី១៨ ខែមីនា ឆ្នាំ២០២៥នេះ បានបញ្ជាក់ថា ក្នុងចំណោមជនសង្ស័យចំនួន ២១នាក់ រួមមាន៖ ជួញដូរ ៥ករណី ឃាត់ ១៥នាក់(ស្រី ២នាក់) ,ដឹកជញ្ជូន រក្សាទុក ២ករណី ឃាត់ ៦នាក់(ស្រី ០នាក់) ។
ចំណែកវត្ថុតាងដែលចាប់យកសរុបក្នុងថ្ងៃទី១៧ ខែមីនា រួមមាន ៖ មេតំហ្វេតាមីន ម៉ាទឹកកក(Ice) ស្មេីនិង ៣២៧,៨៨ក្រាម។ កេតាមីន(Ke) ស្មេីនិង ១៤០,១៦ក្រាម។ អុិចស្តាសុី(mdma) ស្មេីនិង ១៨៦,៩២ក្រាម។ ហេរ៉ូអុីន(Heroine) ស្មេីនិង ១៦,៦៧ក្រាម។
ក្នុងប្រតិបត្តិការនោះជាលទ្ធផលខាងលើ ៤អង្គភាព បានចូលរួមបង្ក្រាប មានដូចខាងក្រោម៖
កម្លាំងនគរបាលជាតិ៖ ៣អង្គភាព
*១ / កំពង់ចាម៖ រក្សាទុក ១ករណី ឃាត់ ៤នាក់ ចាប់យកIce ២,៣៤ក្រាម។
*២ / សៀមរាប៖ រក្សាទុក ១ករណី ឃាត់ ២នាក់ ចាប់យកIce ១,៧៩ក្រាម។
*៣ / ស្វាយរៀង៖ ជួញដូរ ៤ករណី ឃាត់ ១៣នាក់ ស្រី ១នាក់ ចាប់យកIce ៣០៧,៥២ក្រាម, Ke ១៤០,១៦ក្រាម, MDMA ១៨៦,៩២ក្រាម និងHeroine ១៦,៦៧ក្រាម។
ដោយឡែកកម្លាំងកងរាជអាវុធហត្ថខេត្ត ៖ ១អង្គភាព
*១ / ក្រចេះ៖ ជួញដូរ ១ករណី ឃាត់ ២នាក់ ស្រី ១នាក់ ចាប់យកIce ១៦,២៣ក្រាម៕
ដោយ៖ តារា
