🔥រថយន្ដបេីកទាក់ខ្សែភ្លើងបណ្តាលឱ្យដាច់បង្កជាអគ្គិភ័យឆេះផ្អើលប្រជាពលរដ្ឋនិងរថយន្តពន្លត់អគ្គិភ័យចេញអន្តរាគមន៍

ចែករំលែក៖

ភ្នំពេញ៖ រថយន្តមួយគ្រឿងដឹកទូផ្សព្វផ្សាយពាណិជ្ជកម្មខ្ពស់ពេក បានបេីកទាក់ខ្សែភ្លើងកាត់ទទឹងផ្លូវ បង្កឲ្យឆ្លងចរន្តអគ្គិសនីឆាបឆេះសន្ធោសន្ធៅ ផ្អើលអស់ប្រជាពលរដ្ឋនិងសមត្ថកិច្ចចេញរថយន្តអន្តរាគមន៍បាញ់ទឹកពន្លត់ ។

ហេតុការណ៍នេះបានកេីតឡេីងនៅវេលាម៉ោង១១និង៣០នាទីយប់ថ្ងៃទី២១ខែមីនាឆ្នាំ២០២៥ នៅម្តុំផ្សារបឹងត្របែក ផ្លូវ៩៩កែងផ្លូវ៤៣៦ សង្កាត់បឹងត្របែក ខណ្ឌចំការមន រាជធានីភ្នំពេញ ។

តាមប្រភពព័ត៌មានពីពលរដ្ឋបានអោយដឹងថា មុនពេលកេីតហេតុ គេបានឃើញបុរសម្នាក់បានបេីករថយន្តម៉ាកHINO ពណ៌ខៀវ ពាក់ស្លាកលេខ ចង្កូតស្តាំ PP.4078 បានដឹកទូឈេីផ្សព្វផ្សាយពាណិជ្ជកម្មខ្ពស់ពេក ធ្វើដំណើរតាមបណ្តោយផ្លូវ៩៩ក្នុងទិសដៅពីត្បូងទៅជេីង លុះមកដល់ចំណុចកេីតហេតុដែលជាផ្លូវបំបែកជាបួន ក៏ស្រាប់តែជ្រុលទៅទាក់នឹងខ្សែភ្លើងនិងខ្សែអុបទិក អូសកាត់ទទឹងផ្លូវ បណ្ដាលឲ្យទាញបង្គោលភ្លើងដែលនៅក្បែរនោះផ្ទុះឆេះចេញជាអណ្ដាតភ្លើងយ៉ាងសន្ធោសន្ធៅ ផ្អេីលប្រជាពលរដ្ឋនៅទីនោះនាំគ្នាយកបំពង់ពន្លត់អគ្គិភ័យមកបាញ់ពន្លត់អស់ជាច្រើនបំពង់តែមិនអាចទប់ស្កាត់បាន ទេីបរាយការណ៍ជូនកម្លាំងសមត្ថកិច្ចមូលដ្ឋានដេីម្បីសុំជំនួយរថយន្ដបង្ការពន្លត់អគ្គិភ័យអោយមកជួយអន្តរាគមន៍បាញ់ពន្លត់ផងដែរ ។

ហេតុការណ៍នេះបន្តិចក្រោយមករថយន្តបង្ការនិងពន្លត់អគ្គីភ័យរបស់ការិយាល័យនៃស្នងការដ្ឋានរាជធានីភ្នំពេញបានចេញអន្តរាគមន៍ចំនួន៣គ្រឿង ដោយសហការជាមួយមន្ត្រីអគ្គិសនីកម្ពុជា ធ្វើការផ្តាច់ចរន្តភ្លើងហេីយបានបាញ់ទឹកពន្លត់អស់ទឹក១រថយន្ដទេីបធ្វើអោយភ្លើងរលត់ទៅវិញនៅវេលាម៉ោង១២យប់ថ្ងៃដដែល។

សមត្ថកិច្ចបានឲ្យដឹងថា ហេតុការណ៍នេះមិនបង្កអោយគ្រោះថ្នាក់ដល់មនុស្សណាម្នាក់និងរាលដាលដល់ផ្ទះសំបែងរបស់បងប្អូនប្រជាពលរដ្ឋណានោះទេ គឺគ្រាន់តែខូចប្រអប់ភ្លើង ខ្សែភ្លើងក៏ដូចជាខ្សែអុបទិកអស់មួយចំនួនធំតែប៉ុណ្ណោះ ចំណែករថយន្ដបង្កអត់រងការខូចខាតអ្វីនោះទេ តែអ្នកបេីកបរបានចុះគេចខ្លួនបាត់ស្រមោល ។

ក្រោយកេីតហេតុរថយន្ដត្រូវសមត្ថកិច្ចជំនាញចរាចរណ៍យកទៅរក្សាទុកនៅការិយាល័យនគរបាលចរាចរណ៍ផ្លូវគោក ដេីម្បីរង់ចាំដំណោះស្រាយ៕

ដោយ៖សុខាសែនជ័យ

ចែករំលែក៖

សារព័ត៌មាន នគរវត្ត តែងតែនាំមុខគេជានិច្ច

រឿងទាក់ទង

សកម្មភាពសម្តេចតេជោ ហ៊ុន សែន អញ្ជើញបំពេញទស្សនកិច្ចផ្លូវការ នៅរដ្ឋធានីហាវ៉ាណា សាធារណរដ្ឋគុយបា

សម្តេចតេជោ ហ៊ុន សែន អញ្ជើញជួបទីប្រឹក្សាពិសេសរបស់អគ្គលេខាធិការ អង្គការសហប្រជាជាតិ

សហរដ្ឋអាមេរិក និងកម្ពុជា នឹងប្រារព្ធខួបលើកទី៧០ នៃទំនាក់ទំនងផ្នែកការទូត

ទស្សនៈសង្គម ៖ រំលឹក! ក្របីៗស៊ីស្រូវ , ក្រពើៗក្នុងទឹក

ទស្សនៈវិភាគ៖ «ឥរិយាបថថ្មីរបស់ប្រជាពលរដ្ឋ បង្ហាញពីគុណសម្បត្តិដ៏អស្ចារ្យរបស់មេដឹកនាំកម្ពុជា»

ទស្សនល្ងីល្ងើ÷៤រឿងសើចយំនិងកំហឹងល្បីក្នុងបណ្តាញសង្គមហ្វេសប៊ុកក្នុងសប្តាហ៍នេះ

ប្រធានាធិបតី Trump ស្នើសុំពន្យារពេលដំណើរទស្សនកិច្ចទៅកាន់ប្រទេសចិនដោយសារតែសង្គ្រាមជាមួយអ៊ីរ៉ង់

អាហ្វហ្គានីស្ថានចោទប្រកាន់ប៉ាគីស្ថានពីបទវាយប្រហារតាមអាកាសលើមន្ទីរពេទ្យ បណ្តាលឲ្យមនុស្ស ៤០០ នាក់ស្លាប់

ប្រធានាធិបតី Trump ភ្ញាក់ផ្អើលចំពោះការសងសឹករបស់អុីរ៉ង់

ក្រុមហ៊ុន Nvidiaសង្ឃឹមថាចំណូលពីបន្ទះឈីបបញ្ញាសិប្បនិម្មិត (AI) អាចឈានដល់ 1 ទ្រីលានដុល្លារ នៅឆ្នាំ 2027

គ្រូបង្វឹកArsenalទាមទារឱ្យកូនក្រុមលេងល្អបំផុតដើម្បីឆ្លងទៅវគ្គ8ក្រុមចុងក្រោយChampions League

វីឡាទោលប្រណិត ១៥មុឺនដុល្លា ក្នុងតំបន់៦អា

វីឡាទោលប្រណិត ១៥មុឺនដុល្លារ ក្នុងតំបន់៦អា

ក្រុមហ៊ុនអាម៉ូរី ប្រកាសបើកសម្ពោធដំណើរការគម្រោងអាម៉ូរីសែនសុខ

ការចុះអនុស្សរណៈក្នុងការបើកលក់អគារខុនដូCEO Business Residence ក្នុងទីផ្សារកម្ពុជា

គម្រោងបុរី Chankiri Palm Creek ជាគំរូនៃការរចនាផ្ទះប្រកបដោយការ “គិតគូរពីតម្រូវការអ្នករស់នៅជាចម្បង”