ក្រសួងការបរទេសចិនដាស់តឿនភាគីអាមេរិកឱ្យបញ្ឈប់ប្រើបញ្ហាពាក់ព័ន្ធនឹងXizang មកជ្រៀតជ្រែកកិច្ចការផ្ទៃក្នុងរបស់ចិន

អន្តរជាតិ ៖ នារសៀលថ្ងៃទី២ ខែមេសា ឆ្នាំ២០២៥ គេហទំព័រ «CCFR China state-controlled media » បានផ្សាយឱ្យដឹងថា ៖ សំដៅចំពោះ ករណីដែល នា ពេលថ្មីៗនេះ លោក Rubio រដ្ឋមន្ត្រី ក្រសួងការបរទេស អាមេរិក បានយក តំបន់ Xizang នៃ ប្រទេសចិន ជា លេស ហើយ បង្ហោះ សេចក្តីថ្លែងការណ៍ មួយ តាម គេហទំព័រ ក្រសួងការបរទេស អាមេរិក ដែលអះអាង ពី ការ ដាក់កំហិត ចំពោះ មន្ត្រី ចិន មួយចំនួន លោក Guo Jiakun អ្នក នាំពាក្យ ក្រសួងការបរទេសចិន បាន ថ្លែង ក្នុង សន្និសីទ កាសែត ជាប្រចាំ នៅថ្ងៃទី ១ ខែ មេសា ថា ភាគីចិន ប្រឆាំង នឹង ការលាបពណ៌ ចំពោះ ការរីកចម្រើន នៃ វិស័យ សិទ្ធិ មនុស្ស សាសនា និង វប្បធម៌ របស់ តំបន់ Xizang នាពេល បច្ចុប្បន្ន , ប្រឆាំង មន្ត្រី បរទេស ដែល អះអាងថា ចូល បំពេញ ការងារ នៅ តំបន់ Xizang ប៉ុន្តែ តាមពិត ទៅ គឺ ធ្វើ រឿង បំផ្លិច បំផ្លាញ និង បង្ក ការ រំខាន។ ទង្វើ របស់ ភាគី អាមេរិក គឺ ជ្រៀត ជ្រែក យ៉ាង គឃ្លើន ចំពោះ កិច្ចការ តំបន់ Xizang និង កិច្ចការផ្ទៃក្នុង របស់ ចិន ដែល ល្មើស យ៉ាង ខ្លាំង នឹង ក្រប មូលដ្ឋាន នៃ ច្បាប់ អន្តរជាតិ និង ទំនាក់ ទំនង អន្តរជាតិ ភាគីចិន មិនពេញចិត្ត ហើយ ប្រឆាំង យ៉ាង ម៉ឺងម៉ាត់ ចំពោះរឿង នេះ ។

គេហទំព័រ «CCFR China state-controlled media » លោក Guo Jiakun បានបន្តថា ភាគី ចិន ដាស់តឿន ភាគី អាមេរិក ឱ្យ គោរព យ៉ាង មធ្យ័ត ចំពោះ ពាក្យសន្យារបស់ ខ្លួន អំពី បញ្ហា Xizang , បញ្ឈប់ ការគាំទ្រ និង ញ៉ុះញង់ កម្លាំង អបគមន៍ ដែល ចង់ឱ្យ Xizang ឯករាជ្យ , បញ្ឈប់ ការ ប្រើ បញ្ហាពាក់ព័ន្ធនឹង Xizang មក ជ្រៀតជ្រែក កិច្ចការ ផ្ទៃក្នុង របស់ ចិន។ ភាគី ចិន នឹងចាត់ វិធានការ ដ៏ ចាំបាច់ ដើម្បី តបត វិញ យ៉ាងម៉ឺងម៉ាត់ ចំពោះ ទង្វើ ខុសឆ្គង នៃ ភាគី អាមេរិក៕

ដោយ ៖ សិលា