ឆេះផ្ទះមួយខ្នងទាំងកណ្ដាលថ្ងៃ ដោយសារទុស្សេខ្សែភ្លើងបំផ្លាញទ្រព្យសម្បត្តិទាំងស្រុង

ចែករំលែក៖

ខេត្តបាត់ដំបង ៖ ផ្ទះមួយខ្នងដ៏ធំឆេះក្លាយផេះ,ទ្រព្យសម្បត្តិ ឯកសារគ្រួសារ រួមទាំងឯកសារដីធ្លីជាច្រើនច្បាប់ទៀត ក៏ត្រូវអគ្គិភ័យលេបត្របាក់យកអស់គ្មានសល់ដែរ ដោយសារការទុស្សេខ្សែចរន្តអគ្គិសនី កាលពីវេលាម៉ោង១ និង២០នាទីរសៀលថ្ងៃទី០៦ ឧសភា នៅភូមិតាថុក ឃុំធិបតី ស្រុកគាស់ក្រឡ ។ នេះបើយោងតាមសេចក្ដីរាយការណ៏ពីមន្ត្រីមូលដ្ឋាន ។

សេចក្ដីរាយការណ៍បានឲ្យដឹងថា លំនៅឋានដែលឆេះនោះ មានទំហំ ៥ម៉x៦ម៉ និងមានតសំយ៉ាបចេញសង ខាងថែមទៀតយ៉ាងធំ ដែលមានម្ចាស់វ័យចំណាស់ៗឈ្មោះ នេត នូ អាយុ៧២ឆ្នាំ និងប្រពន្ធឈ្មោះ ហ៊ឹប ហ៊ីង អាយុ៧០ឆ្នាំ រស់នៅចំណុចកើតហេតុ ។ ប្រភពដដែលបានឲ្យដឹងទៀតថា បើតាមការបំភ្លឺនានា នៅកន្លែងកើត ហេតុ រួមទាំងការផ្ដល់ចម្លើយពីម្ចាស់ផ្ទះផង អគ្គិភ័យដ៏សាហាវនេះ ទំនងកើតឡើងដោយសារការ «ទុស្សេខ្សែចរន្តអគ្គិសនី» ទើបឆេះរាលដាលពេញផ្ផ្ទះត្រឹមមួយប៉ព្រិចភ្នែកប៉ុណ្ណោះ លំនៅឋានទាំងមូលរួមទាំងទ្រព្យ សម្បត្តិផង ក្លាយជាផេះអស់គ្មានសល់ ។

បើតាមអ្នកភូមិបានឲ្យដឹងដែរថា អគ្គិភ័យខាងលើនេះ មានកម្លាំងខ្លាំង ឆេះលឿនបំផុត សូម្បីអ្នកភូមិក៏ជួយអន្តរាគមន៏មិនទាន់ពេលដែរ ដោយសារតែស្ថិតនៅឆ្ងាយដាច់ពីគេឯង ។ ដោយឡែក កម្លាំងសមត្ថកិច្ចវិញ បានចេញជួយអន្តរាគមន៍ភ្លាមៗដែរ នៅតែមិនអាចជួយសង្គ្រោះបាន ។ បើនិយាយពីទំហំនៃការខូចខាត ម្ចាស់ ផ្ទះបានប្រាប់សមត្ថកិច្ចថា គឺ «អស់ទាំងស្រុងតែម្ដង» ។ របាយការសមត្ថកិច្ច បានស្រង់សមម្ដីជនរងគ្រោះថា ផ្ទះមួយខ្នងត្រូវខូចខាតទាំងស្រុង។

ក្រៅពីអស់ផ្ទះ០១ខ្នង នៅមានទ្រព្យសម្បត្តិជាច្រើនទៀតដូចជា៖ ឯកសារគ្រួសារ ឯកសារដីធ្លី(ប្លង់ដី)ចំនួន០៥ច្បាប់ ប្រាក់ខ្មែរជិត០២លានរៀល ក្រវិលមាស០១ជី ស្រូវពូជ០២តោន ម៉ាស៊ីនភ្លើង០១គ្រឿង គ្រែឈើសម្រាប់សាងសង់ផ្ទះ អង្ករ៥០គីឡូក្រាមកាតគ្រីម៉ូតូចំនួន០២សន្លឹក សម្លៀកបំពាក់ទាំងអស់ ដែលនៅក្នុងផ្ទះ រួមទាំងសម្ភារប្រើប្រាស់មួយចំនួនទៀត ។

យ៉ាងណាក្ដី ក្រោយពីកើតហេតុ សមត្ថកិច្ច និងអាជ្ញាធរមូលដ្ឋានបានចុះទៅកាន់ផ្ទះជនរងគ្រោះ ដើម្បីពិនិត្យសួរនាំជនរងគ្រោះអំពីការខាតបង់ និងធ្វើរបាយការណ៍ជូនថ្នាក់ដឹកនាំ ដើម្បីជួយសង្គ្រោះបឋមដល់ក្រុមគ្រួសារវ័យចំណាស់នេះហើយ ៕

ដោយ៖ សូរិយា

ចែករំលែក៖

សារព័ត៌មាន នគរវត្ត តែងតែនាំមុខគេជានិច្ច

ឆេះផ្ទះមួយខ្នងទាំងកណ្ដាលថ្ងៃ ដោយសារទុស្សេខ្សែភ្លើងបំផ្លាញទ្រព្យសម្បត្តិទាំងស្រុង

រឿងទាក់ទង

សកម្មភាពសម្តេចតេជោ ហ៊ុន សែន អញ្ជើញបំពេញទស្សនកិច្ចផ្លូវការ នៅរដ្ឋធានីហាវ៉ាណា សាធារណរដ្ឋគុយបា

សម្តេចតេជោ ហ៊ុន សែន អញ្ជើញជួបទីប្រឹក្សាពិសេសរបស់អគ្គលេខាធិការ អង្គការសហប្រជាជាតិ

សហរដ្ឋអាមេរិក និងកម្ពុជា នឹងប្រារព្ធខួបលើកទី៧០ នៃទំនាក់ទំនងផ្នែកការទូត

ទស្សនៈសង្គម ៖ រំលឹក! ក្របីៗស៊ីស្រូវ , ក្រពើៗក្នុងទឹក

ទស្សនៈវិភាគ៖ «ឥរិយាបថថ្មីរបស់ប្រជាពលរដ្ឋ បង្ហាញពីគុណសម្បត្តិដ៏អស្ចារ្យរបស់មេដឹកនាំកម្ពុជា»

ទស្សនល្ងីល្ងើ÷៤រឿងសើចយំនិងកំហឹងល្បីក្នុងបណ្តាញសង្គមហ្វេសប៊ុកក្នុងសប្តាហ៍នេះ

លិខិតមិត្តអ្នកអាន៖ សូមគាំទ្រ យុទ្ធនាការដោះស្រាយបញ្ហាកកស្ទះសំណុំរឿងនៅតុលាការ

ការចាកចេញពីរដ្ឋបាល Trump របស់ Musk ធ្វើឱ្យភាគហ៊ុន Tesla ងើបឡើងសារជាថ្មី

ទីប្រឹក្សាសេតវិមាននិយាយថាកិច្ចព្រមព្រៀងពាណិជ្ជកម្មចំនួនបីជិតបានជោគជ័យហើយ

មហាសេដ្ឋី Elon Musk ចាកចេញពីរដ្ឋបាល Trump

យន្តហោះរបស់កងទ័ពជើងទឹកកូរ៉េខាងត្បូងធ្លាក់ បុគ្គលិកទាំងអស់បាត់ខ្លួន

ក្នុងលក្ខខណ្ឌសន្តិភាពអ៊ុយក្រែន លោកពូទីន ថា NATO ត្រូវតែឈប់ពង្រីកខ្លួនមកក្បែររុស្ស៉ី

វីឡាទោលប្រណិត ១៥មុឺនដុល្លា ក្នុងតំបន់៦អា

វីឡាទោលប្រណិត ១៥មុឺនដុល្លារ ក្នុងតំបន់៦អា

ក្រុមហ៊ុនអាម៉ូរី ប្រកាសបើកសម្ពោធដំណើរការគម្រោងអាម៉ូរីសែនសុខ

ការចុះអនុស្សរណៈក្នុងការបើកលក់អគារខុនដូCEO Business Residence ក្នុងទីផ្សារកម្ពុជា

គម្រោងបុរី Chankiri Palm Creek ជាគំរូនៃការរចនាផ្ទះប្រកបដោយការ “គិតគូរពីតម្រូវការអ្នករស់នៅជាចម្បង”

ឆេះ​ផ្ទះ​មួយខ្នងទាំង​កណ្ដាល​ថ្ងៃ ដោយសារ​ទុ​ស្សេខ្សែភ្លើងបំផ្លាញទ្រព្យសម្បត្តិទាំងស្រុង

រឿងទាក់ទង

ឆេះផ្ទះមួយខ្នងទាំងកណ្ដាលថ្ងៃ ដោយសារទុស្សេខ្សែភ្លើងបំផ្លាញទ្រព្យសម្បត្តិទាំងស្រុង