សារព័ត៌មាន នគរវត្ត តែងតែនាំមុខគេជានិច្ច
ក្លឹបបាល់ទាត់ Hamburg វិលត្រឡប់ទៅលេងនៅ Bundesliga វិញហើយក្រោយអវត្តមានរយៈពេល៧ឆ្នាំពីក្របខ័ណ្ឌកំពូលរបស់អាល្លឺម៉ង់។
ក្នុងការប្រកួតដែលត្រូវការឈ្នះជាចាំបាច់ម្ចាស់ជើងឯកអាល្លឺម៉ង់ប្រាំមួយសម័យកាលHamburgបានយកឈ្នះ Ulm 6-1 នៅក្នុងផ្ទះកាលពីថ្ងៃសៅរ៍ ហើយអ្នកគាំទ្របានលុកលុយពេញទីលាននៅឯកីឡដ្ឋាន Volksparkstadion បន្ទាប់ពីកញ្ចែត្រូវបានផ្លុំបញ្ចប់ការប្រកួតដើម្បីអបអរសាទរ។
Hamburg ដែលជាក្លឹបមួយក្នុងចំណោមក្លឹបអាល្លឺម៉ង់តែ 3 ប៉ុណ្ណោះដែលបានឈ្នះពានរង្វាន់អឺរ៉ុបតែត្រូវបានកាត់ចេញពី Bundesliga ជាលើកដំបូងក្នុងឆ្នាំ 2018 ។
នៅសល់មួយប្រកួតទៀត Hamburg ឈរកំពូលតារាងមាន 59 ពិន្ទុ ខណៈ Cologne លេខ 2 មាន 58 និង Elversberg លេខ 3 មាន 55 ៕
ដោយ៖ ភារៈ
