សារព័ត៌មាន នគរវត្ត តែងតែនាំមុខគេជានិច្ច
ស្ថាបនិក Microsoft លោក Bill Gates បានផ្តល់ការយល់ដឹងរបស់គាត់ទៅក្នុងពិភពដែលកំពុងរីកចម្រើននៃបញ្ញាសិប្បនិមិត្ត(AI) ដោយបញ្ជាក់ពីវិជ្ជាជីវៈចំនួនបីដែលគាត់ជឿជាក់ថានឹងនៅតែមានភាពធន់នឹងការប្រឈមមុខនឹងការរីកចម្រើននៃបច្ចេកវិទ្យា។
ថ្លែងទៅកាន់ Indian Express លោក Gates បានចែករំលែកការជឿជាក់របស់គាត់ថា ជំនាញពិសេសរបស់ជីវវិទូ អ្នកជំនាញថាមពល និងអ្នកសរសេរកម្មវិធីនឹងការពារពួកគេពីការជំនួសដោយ AI ។
យោងតាមរបាយការណ៍ មហាសេដ្ឋី Gates អះអាងថា អ្នកជីវវិទូគឺជាមូលដ្ឋានគ្រឹះនៃវឌ្ឍនភាព និងការរកឃើញរបស់មនុស្ស ដែលជំរុញដោយដំណើរការច្នៃប្រឌិត និងវិចារណញាណ មានលក្ខណៈសាមញ្ញដែលបញ្ញាសិប្បនិមិត្តពិបាកក្នុងការចាប់យក និងចម្លងបាន។ លោក Gatesក៏បានលើកឡើងភាពស្រដៀងគ្នាពីអ្នកជំនាញថាមពល និងអ្នកសរសេរកម្មវិធី។
ទោះបីជាសមត្ថភាពមិនអាចប្រកែកបានរបស់ AI ដើម្បីដំណើរការព័ត៌មានក្នុងបរិមាណដ៏ច្រើនប្រកបដោយប្រសិទ្ធភាពក៏ដោយ ក៏វានៅតែខ្វះសមត្ថភាពយល់ដឹងជាក់លាក់ដែលមាននៅក្នុងបញ្ញារបស់មនុស្ស។ លោក Gates ណែនាំថា ធាតុរបស់មនុស្សនេះគឺមានសារៈសំខាន់សម្រាប់បង្កើតកម្មវិធីស្មុគស្មាញ និងសម្របខ្លួនទៅនឹងតម្រូវការថាមពលចម្រុះជុំវិញពិភពលោក ជាពិសេសនៅពេលរុករកសេណារីយ៉ូដែលមិនអាចទាយទុកជាមុនបាន។
លោក Gates ក៏បានបន្ថែមពីលើអ្នកជំនាញទាំងបីខាងលើថាអត្តពលិកអាចជាក្រុមមួយផ្សេងទៀតដែលជីវភាពរបស់ពួកគេមានសុវត្ថិភាពមិនងាយប៉ះពាល់ដោយឥទ្ធិពលរបស់បញ្ញាសិប្បនិម្មិតទេ ៕
ដោយ៖ ភារៈ
