លោកស្រីបណ្ឌិតពេជ ចន្ទមុន្នី ហ៊ុនម៉ាណែត បួងសួងឱ្យវិញ្ញាណក្ខន្ធយោធិនពលី សួន រោន ទៅសោយសុខនៅសុគតិភព

ភ្នំពេញ​៖​ លោកស្រី​បណ្ឌិតពេជ ចន្ទមុន្នី ហ៊ុនម៉ាណែត ស្ត្រីទី១កម្ពុជា ចូលរួមរំលែកមរណទុក្ខដ៏ក្រៀមក្រំបំផុត ជាមួយនឹងក្រុមគ្រួសារនៃសព យោធិនពលី សួន រោន ដែលបានពលីជីវិតចំពោះជាតិមាតុភូមិ។

លោកស្រី​បណ្ឌិតពេជ ចន្ទមុន្នី ហ៊ុនម៉ាណែត ឧទ្ទិសបួងសួងសូមឲ្យដួងវិញ្ញាណក្ខន្ធលោក សួន រោន ឆាប់បានចាប់កំណើត ក្នុងសុគតិភពគ្រប់ៗជាតិកុំបីឃ្លៀងឃ្លាតឡើយ។

សូមជម្រាបថា​ ក្រសួងការពារជាតិកម្ពុជា បានឱ្យដឹងថា​ នៅព្រឹកថ្ងៃទី២៨ ខែឧសភានេះ មានហេតុការណ៍ផ្ទុះអាវុធរវាងកងទ័ពថៃ និងកម្ពុជាកើតឡើងនៅនៅភូមិតេជោមរកត ឃុំមរកត ស្រុកជាំក្សាន្ត ខេត្តព្រះវិហារ។ តាមក្រសួងការពារជាតិ គឺ កងទ័ពថៃ ជាអ្នកបាញ់ប្រហារមុនមកលើលេណដ្ឋាន ដែលជាទីតាំងឈរជើងរបស់កងទ័ពកម្ពុជា ជាយូរលង់ណាស់មកហើយ បណ្ដាលឲ្យយោធិន សួន រោន បាត់បង់ជីវិត៕