សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង ៖ អ្វីៗកើតឡើងត្រូវតែមានហេតុ និងផល ! ហេតុអីអ្នកជាសារព័ត៌មាន ទៅផលិតវីដេអូ ក្លែងឯកសណ្ឋានកងទ័ព និង ធ្វើ អោយ កងទ័ព បាក់ទឹកចិត្ត ផ្ទុយនឹងក្រមសីលធម៌ វិជ្ជាជីវៈ ពិសេសបុគ្គលនេះមាន ចេតនាប្រព្រឹត្តរឿងផលិតវីដេអូ ខ្វះសីលធម៌ ជាញឹកញាប់ ។
ចុងក្រោយ ! សមត្ថកិច្ច នគរបាល ស្រុក កំពង់ រោទ៍ ខេត្ត ស្វាយរៀង នៅ ព្រឹកថ្ងៃទី៣០ខែឧសភា នេះ បានឃាត់ខ្លួន មនុស្ស ៣នាក់ ក្នុងនោះមានអ្នកកាសែតម្នាក់ ពាក់ព័ន្ធផលិតវីដេអូ ក្លែងឯកសណ្ឋានកងទ័ព និង ធ្វើ អោយ កងទ័ព បាក់ទឹកចិត្ត ក្នុង នោះមានឈ្មោះ ៖
១- ឈ្មោះ ហង្ស សំណាង អ្នកកាសែត
២- ឈ្មោះ រស់ អៀវ ភេទប្រុស អាយុប្រហែល ៦០ជាង នៅភូមិកណ្ដាល ឃុំត្នោត ស្រុកកំពង់រោទ៍ ខេត្តស្វាយរៀង ។
៣- ឈ្មោះ កុញ វាស្នា ភេទប្រុស អាយុ ប្រហែល៣០ជាង រស់នៅ ភូមិបុណ្យ ឃុំត្នោត ស្រុកកំពង់រោទ៍ ខេត្ត ស្វាយរៀង ។ អ្នកទាំងពីរនាក់នេះមិនមែនជាកងទ័ពឬជាអតីតយុទ្ធជនទេ ។
លោក ហែម សាមុត អធិការនគរបាលស្រុកកំពង់រោទ៍ ខេត្តស្វាយរៀងបានប្រាប់សារព័ត៌មានថា បុគ្គល ហង្ស សំណាង និងបក្សពួក២នាក់ទៀត ពិតជាត្រូវបានសមត្ថកិច្ចហៅមកសួរនាំពិតប្រាកដមែន នាព្រឹកថ្ងៃទី៣០ ខែឧសភា ឆ្នាំ២០២៥នេះ ដោយសារបង្ហោះវីដេអូពាក់ព័ន្ធនឹងកងទ័ព។
សមត្ថកិច្ច ស្រុកកំពង់រោទ៍ នៃ ស្នងការដ្ឋាននគរបាលខេត្ត ស្វាយរៀង កំពុងរៀបចំ បញ្ជូនអ្នកទាំង ៣នាក់នេះ មក ស្នងការដ្ឋាន នគរបាល រាជធានីភ្នំពេញ ដេីម្បី ចាត់ការបន្ត តាមច្បាប់ ។
ក្រសួងព័ត៌មានកម្ពុជា បានប្រកាសព័ត៌មានថា អ្នកសារព័ត៌មានអាជីពក្តី មិនអាជីពក្តី ឬការចែកចាយព័ត៌មានលើបណ្តាញសង្គមក្តីត្រូវតែធ្វើឡើងដោយផ្អែកលើនិងត្រូវយកព័ត៌មានពីប្រភពផ្លូវការរបស់ក្រសួងស្ថាប័ន សមត្ថកិច្ច ឬអាជ្ញាធរពាក់ព័ន្ធក្នុងវិស័យនេះ ជាពិសេសប្រធានបទសន្តិសុខជាតិ ដោយត្រូវផ្សាយដោយគោរពក្រមសីលធម៌វិជ្ជាជីវៈយ៉ាងម៉ត់ចត់ ៕
ដោយ ៖ សិលា
