សមត្ថកិច្ចខណ្ឌឫស្សីកែវឃាត់ម៉ូតូចំនួន៤គ្រឿងដែលកែច្នៃបំពង់ស៊ីម៉ាំង និងបង្ហោះកង់មុខតាមផ្លូវសាធារណៈ

ភ្នំពេញ ៖ ម៉ូតូដែលកែច្នៃខុសបច្ចេកទេសសូមប្អូនៗបញ្ឃប់ជាបន្ទាន់និងប្រញាប់ដោះដូរបំពង់ស៊ីម៉ាំងដើមចូលវិញ នេះជាសារមួយដាស់តឿន អនុវត្តតាមបទបញ្ជាផ្ទាល់ពីលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ។

សូមបញ្ជាក់ថា កាលពីថ្ងៃទី៣១ ខែឧសភា ឆ្នាំ២០២៥ នៅចំណុចផ្លូវ១០០៣ ភូមិឡកំបោរ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ កម្លាំងល្បាតប៉ុស្តិ៍ស្វាយប៉ាកសហការជាមួយប៉ុស្តិ៍ច្រាំងចំរេះទី១ បានធ្វើការឃាត់និងដកហូតម៉ូតូដាក់បំពង់ស៊ីម៉ាំងកែច្នែចំនួន០២គ្រឿង និងម៉ូតូបង្ហោះលើផ្លូវសាធារណៈចំនួន០២គ្រឿង។

លោក ហ៊ាង ថារ៉េត អធិការខណ្ឌឫស្សីកែវ បានអោយដឹងថា ម៉ូតូដែលសមត្ថកិទាំង៤គ្រឿងមាន ម៉ូតូម៉ាក vespa  ពណ៌ស  ពាក់ស្លាកលេខ ភ្នំពេញ 1LL-5885 បើកបរដោយឈ្មោះ គឹម កែវមាសឧស្សាហ៍ ភេទប្រុស អាយុ១៧ឆ្នាំ មុខរបរសិស្ស មានទីលំនៅសង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ (កែច្នៃបំពង់ស៊ីមាំង)។ ម៉ូតូម៉ាក vespa ពណ៌ទឹកមាស ពាក់ស្លាកលេខ ភ្នំពេញ 1GU-5296 បើកបរដោយឈ្មោះ រ័ត្ន សុខអាន ភេទប្រុស អាយុ២១ឆ្នាំ មុខរបរសិស្ស មានទីលំនៅសង្កាត់ច្រាំងចំរេះទី១ ខណ្ឌឫស្សីកែវ រាជធានីភ្នំពេញ (កែច្នៃបំពង់ស៊ីមុាំង)។

ចំណែកម៉ូតូ២គ្រឿងទៀត មាន ៖ ម៉ូតូម៉ាក Honda scoppy ពណ៍ក្រហម ពាក់ស្លាកលេខ ភ្នំពេញ ១KC-០៤៤០  បើកបរដោយឈ្មោះ ភ្លី សារ៉ាខាន  ភេទប្រុស អាយុ១៤ឆ្នាំ មុខរបរសិស្ស មានទីលំនៅ ភូមិក សង្កាត់ច្រាំងចំរេះទី២ ខណ្ឌឫស្សីកែវ រាជធានីភ្នំពេញ ( បង្ហោះម៉ូតូ ) និងម៉ូតូម៉ាក Honda Today ពណ៌បៃតង ស្លាកលេខភ្នំពេញ១KL-៤០៧៤បើកបរដោយឈ្មោះ ឧត្តម រតនា ភេទប្រុស អាយុ១៣ឆ្នាំ មុខរបរសិស្ស មានទីលំនៅភូមិក សង្កាត់ច្រាំងចំរេះទី២ ខណ្ឌឫស្សីកែវ រាជធានីភ្នំពេញ (បង្ហោះម៉ូតូ)៕

ដោយ៖ ជីណា