សារព័ត៌មាន នគរវត្ត តែងតែនាំមុខគេជានិច្ច
តោខៀវ Chelsea បានចុះហត្ថលេខាទិញខ្សែការពារវ័យ 19 ឆ្នាំ Mamadou Sarr ពី ក្លឹបStrasbourg ក្នុងកិច្ចសន្យារយៈពេល 8 ឆ្នាំ។
កីឡាករជម្រើសជាតិបារាំងអាយុក្រោម 19 ឆ្នាំលេងបាន 27 ដងក្នុង Ligue 1 កាលពីរដូវកាលមុន ដែលជាយុទ្ធនាការពេញលេញលើកដំបូងរបស់គាត់ក្នុងក្របខ័ណ្ឌកំពូលរបស់បារាំងនៅក្រោមការគ្រប់គ្រងរបស់លោក Liam Rosenior ដោយបានបញ្ចប់ក្នុងចំណាត់ថ្នាក់លេខ 7 ដើម្បីមានសិទ្ធិសម្រាប់ប្រកួតវគ្គជម្រុះពាន Conference League ។
Strasbourg ត្រូវបានគ្រប់គ្រងដោយក្រុមហ៊ុនមេ BlueCo របស់ Chelsea ដោយ Sarr ក្លាយជាកីឡាករចុងក្រោយគេដែលបានចំណាយពេលនៅក្លឹបទាំងពីរ។
Mamadou Sarr បានក្លាយជាកីឡាករទី៤របស់ Chelsea ដែលបានទិញនៅរដូវក្តៅនេះបន្ទាប់ពីការមកដល់របស់ខ្សែប្រយុទ្ធ Liam Delap ក្នុងតម្លៃ 30 លានផោនពី Ipswich Town, Estevao ពី Palmeiras ក្នុងតម្លៃ 29 លានផោន និង Dario Essugo ពី Sporting Lisbon ក្នុងតម្លៃ 18 លានផោន ខណៈខ្សែបម្រើស្លាប Jadon Sancho បានចាកចេញពី Chelsea នៅចុងរដូវកាលនេះ ដើម្បីត្រឡប់ទៅ Manchester United វិញតាមរយៈកិច្ចសន្យាខ្ចីជើងរបស់គេ ៕
ដោយ៖ ភារៈ
