សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ជិះម៉ូតូឌុបប្រពន្ធទៅពិនិត្យផ្ទៃពោះឆ្លងផ្លូវត្រូវម៉ូតូមួយគ្រឿងទៀតជិះលឿនបុកពេញទំហឹងបណ្តាលឲ្យស្លាប់ប្តីប្រពន្ធរបួសស្រាលចំណែកភាគីម្ខាងទៀតរបួសធ្ងន់២នាក់ ត្រូវបានរថយន្តកងសង្គ្រោះដឹកទៅមន្ទីរពេទ្យភ្លាមៗ។
ហេតុការណ៍នេះបានកេីតឡេីងកាលពីវេលាម៉ោង២រសៀលថ្ងៃទី១៨ខែមិថុនា ឆ្នាំ២០២៥ នៅតាមបណ្តោយផ្លូវចោមចៅ(វេងស្រេង )ភូមិចោមចៅ២ សង្កាត់ចោមចៅទី២ ខណ្ឌពោធិ៍សែនជ័យ។
ភាគីម៉ូតូ លែតពណ៌សពាក់ផ្លាកលេខភ្នំពេញ1FJ7007 បេីកបរដោយឈ្មោះ ស្រិន ថន ភេទប្រុសអាយុ៣៣ឆ្នាំមុខរបរលក់ដូរទីលំនៅបច្ចុប្បន្នភូមិចោមចៅ៣សង្កាត់ចោមចៅទី២ ខណ្ឌពោធិ៍សែនជ័យ(ស្លាប់)ចំណែកប្រពន្ធមានផ្ទៃពោះរងរបួសស្រាល។
ភាគីម៉ូតូហុងដាឌ្រីមសង់ពណ៌ត្រួយចេកពាក់ផ្លាកលេខភ្នំពេញ1LN 0396 បេីកបរដោយឈ្មោះ គឹម ណា ភេទប្រុសអាយុ១៩ឆ្នាំ មុខរបរកម្មកររោងចក្រអ្នករួមដំណើរឈ្មោះ ដារា ភេទប្រុសអាយុ២០ឆ្នាំ មុខរបរកម្មកររោងចក្រ ទីលំនៅបច្ចុប្បន្នភូមិកប់គងសង្កាត់ចោមចៅទី២ខណ្ឌពោធិសែនជ័យ រាជធានីភ្នំពេញ (រងរបួសធ្ងន់)។
យោងតាមការបំភ្លឺរបស់ ប្រជាពលរដ្ឋ នៅនឹងកន្លែងកើតហេតុខាងលើបានឲ្យដឹងថា នៅមុនពេលកេីតហេតុអ្នក ភាគីខាងម៉ូតូ លែត បានបេីកបរឆ្លងផ្លូវ ទិសដៅពីត្បូងឆ្ពោះទៅលិច ពេល ឆ្លងដល់ពាក់កណ្ដាលទ្រូងផ្លូវ ស្រាប់តែ ភាគីខាងម៉ូតូហុងដាឌ្រីម បេីកបរពីទិសដៅ លិចទៅកេីត ក្នុងល្បឿនលឿន ហេីយបានជ្រុលចង្កូតទៅបុកនិង ម៉ូតូលែតពេញទំហឹងបណ្ដាលឲ្យដួលបោកក្បាលស្លាប់តែម្ដងនិងភាគីម៉ូតូហុងដាឌ្រីម រងរបួសធ្ងន់ទាំងពីរនាក់ ។
បច្ចុប្បន្នសពត្រូវបាននគរបាលប្រគល់ទៅអោយសាច់ញាតិយកទៅធ្វើបុណ្យតាមប្រពៃណីចំណែកភាគីរងរបួស ត្រូវបាន រថយន្តអង្គភាព ៧១១ បញ្ជូនទៅ មន្ទីរពេទ្យលោកសង្ឃ ចំណែកម៉ូតូ ត្រូវបាននគរបាលចរាចរណ៍ផ្លូវគោកស្នងការនគរបាលរាជធានីភ្នំពេញយកទៅរក្សាទុករង់ចាំដោះស្រាយគ្នានៅពេលក្រោយ៕
ដោយ៖ សុខាសែនជ័យ
