សារព័ត៌មាន នគរវត្ត តែងតែនាំមុខគេជានិច្ច
ក្រុមហង្សក្រហម Liverpool នឹងចាប់ផ្តើមការពារតំណែងជើងឯកអង់គ្លេស Premier League របស់ពួកគេដោយធ្វើជាម្ចាស់ផ្ទះទទួលក្រុម Bournemouth នៅកីឡដ្ឋាន Anfield នៅថ្ងៃទី 15 ខែសីហា ខណៈដែលក្រុមជើងឯករងរដូវកាលមុន Arsenal ធ្វើដំណើរទៅជួបក្រុមបិសាចក្រហម Manchester United ពីរថ្ងៃក្រោយមកទៀត។
ក្លឹបManchester City ដែលកំពុងតែស្រែកខ្លាននឹងការឈ្នះពាន Premier League ជាលើកទីប្រាំពីរក្រោមការដឹកនាំរបស់លោក Pep Guardiola នឹងធ្វើដំណើរទៅកាន់ទឹកដីក្រុម Wolverhampton Wanderers សម្រាប់ការប្រកួតបើករដូវកាលរបស់ពួកគេនៅថ្ងៃទី 16 ខែសីហា។Man City បានបញ្ចប់ក្នុងចំណាត់ថ្នាក់លេខ 3 ក្នុងយុទ្ធនាការចុងក្រោយរបស់ពួកគេ។
ក្រុមតោខៀវChelsea ស្វាគមន៍ម្ចាស់ជើងឯក FA Cup គឺក្លឹប Crystal Palace នៅកីឡដ្ឋាន Stamford Bridge នៅថ្ងៃទី 17 ខែសីហា មួយថ្ងៃបន្ទាប់ពី Thomas Frank មានការប្រកួត Premier League លើកដំបូងរបស់គាត់ក្នុងការដឹកនាំ Tottenham Hotspur ធ្វើជាម្ចាស់ផ្ទះស្វាគមន៍ក្រុម Burnley ។
Spurs បានបណ្តេញលោក Ange Postecoglou បន្ទាប់ពីពួកគេបានបញ្ចប់កន្លែងមួយនៅពីលើតំបន់កាត់ចោល បើទោះបីជាគ្រូបង្វឹកអូស្ត្រាលីនេះបានដឹកនាំពួកគេឱ្យឈ្នះពានរង្វាន់ Europa League សម្រាប់ពានរង្វាន់ធំដំបូងរបស់ពួកគេក្នុងរយៈពេល 17 ឆ្នាំក៏ដោយ។
Nottingham Forest នឹងធ្វើជាម្ចាស់ផ្ទះទទួល Brentford និងជើងឯក League Cupក្រុម Newcastle United ធ្វើដំណើរទៅ ផ្ទះ Aston Villa នៅថ្ងៃទី 16 ខែសីហា។ក្រុម Sunderland មួយទៀតស្វាគមន៍ West Ham United ក្នុងថ្ងៃដដែល ហើយ Leeds United ទទួលភ្ញៀវ Everton ពីរថ្ងៃបន្ទាប់។
រដូវកាលថ្មីចាប់ផ្តើមជាមួយនឹងការប្រកួតមួយនៅថ្ងៃទី 15 ខែសីហា ហើយបញ្ចប់នៅថ្ងៃទី 24 ខែឧសភា ឆ្នាំ 2026។
ការប្រកួតដំបូងបើករដូវកាលឆ្នាំ២០២៥-២០២៦
15/08/2025 – Liverpool v Bournemouth
16/08/2025 – Aston Villa v Newcastle United
16/08/2025 – Brighton v Fulham
16/08/2025 – Nottingham Forest v Brentford
16/08/2025 – Sunderland v West Ham United
16/08/2025 Tottenham Hotspur v Burnley
16/08/2025 – Wolverhampton v Manchester City
17/08/2025 – Chelsea v Crystal Palace
17/08/2025 – Manchester United v Arsenal
18/08/2025 – Leeds United v Everton។
ដោយ៖ ភារៈ
