សារព័ត៌មាន នគរវត្ត តែងតែនាំមុខគេជានិច្ច
ក្រុម Al Hilal របស់ប្រទេសអារ៉ាប៊ីសាអូឌីត បានទម្លាក់ក្រុមយក្សរបស់អង់គ្លេស Manchester City ចេញពីការប្រកួត Club World Cup ក្នុងជ័យជម្នះដ៏គួរឱ្យតក់ស្លុតក្នុងលទ្ធផល ៤-៣ នៅម៉ោងបន្ថែម។
ការប្រកួតបានបញ្ចប់ក្នុងលទ្ធផល 2-2 ពេញម៉ោង ប៉ុន្តែនៅចុងបញ្ចប់នៃម៉ោងបន្ថែមកីឡាករ Marcos Leonardo បានដណ្តើមយកជ័យជម្នះ4-3 ដែលជាជោគជ័យដ៏ធំបំផុតមួយនៅក្នុងប្រវត្តិសាស្រ្តបាល់ទាត់មជ្ឈិមបូព៌ា។
ក្លឹបអារ៉ាប៊ីសាអូឌីតឈានទៅវគ្គ៨ក្រុមចុងក្រោយដែលពួកគេនឹងជួបជាមួយក្លឹបប្រេស៊ីល Fluminense មិនមែនមកពីអឺរ៉ុបហើយអាចមានឱកាសនឹងឡើងដល់វគ្គ៤ក្រុមចុងក្រោយ។
Man City របស់លោក Pep Guardiola បានចូលទៅក្នុងការប្រកួតប្រកបដោយភាពជឿជាក់បន្ទាប់ពីការទម្លាក់ក្រុម Juventus 5-2 ក្នុងការប្រកួតចុងក្រោយក្នុងពូលរបស់ពួកគេ ប៉ុន្តែពួកគេបានខកចិត្តដោយក្រុម Al Hilal ដែលពោរពេញដោយការប្តេជ្ញាចិត្ត ក្រោមការដឹកនាំរបស់គ្រូបង្វឹកអ៊ីតាលីថ្មី Simone Inzaghi ។
លោកInzaghi បាននិយាយក្រោយចប់ការប្រកួតថា “គន្លឹះនៃជ័យជម្នះនេះគឺកីឡាករ បេះដូងដែលពួកគេដាក់នៅលើទីលាន។ “យើងត្រូវតែធ្វើអ្វីមួយដែលអស្ចារ្យ ព្រោះយើងដឹងថា Manchester City ល្អប៉ុណ្ណា យើងដឹងថាយើងត្រូវឡើងភ្នំ Everest ដោយគ្មានអុកស៊ីហ្សែន”។
ដោយ៖ ភារៈ
